Иргэд хууль эрх зүйн мэдлэг тааруугаас болоод холбогдох байгууллагад хандаж маргаанаа шийдвэрлэж чадалгүй эрх ашгаараа хохироод үлддэг байна. Ажил хөдөлмөр эрхлэх явцад, үндэслэлгүй ажлаас халагдах, илүү цагийн хөлсөө авч чадахгүй байх эсвэл цалин хөлсөө удаан авахгүй байх зэрэг бэрхшээл тулгардаг. Тэр бүрт даруу зангаас үүдэн хуулийн байгууллагад хандаж маргаанаа шийдвэрлэлгүй орхисоор байдаг. Тэгвэл монголын үйлдвэрчний эвлэлийн дэргэдэх хуулийн зөвлөгөөний төвд иргэдийн гомдол саналыг хүлээн авч, шийдвэрлэж өгдөг болоод багагүй хугацаа өнгөрчээ. Он гарсаар энэ төвд 2000 гаруй хүн хандсаны 95 хувь нь маргаанаа ашигтай байдлаар шийдвэрлэж чаджээ. Үүнээс гадна цалингаа хугацаандаа авч чадаагүй бол 0,3 хувийн алданги тооцох зэрэг эрхийг хөдөлмөр эрхэлж байгаа хэн бүхэн эдлэх ёстой байдаг байна. Харамсалтай нь, хөдөлмөрийн хуулийг зөрчдөг ААН-үүд байдаг ч иргэд энэ бүхнийхээ төлөө тэмцэх нь бага гэнэ. Тиймээс эрхээ баталгаажуулахын тулд ажил олгогчидтойгоо зөвлөж, байгууллага дотроо үйлдвэрчний эвлэл байгуулах нь зөв шийдэл юм байна.