Японы Ямамучи мужийн Hofu хотод 44 дэх жилдээ зохиогдож байгаа олон улсын марафон гүйлтийн тэмцээнд МУ-ын гавъяат тамирчин Бат-Очирын Сэр-Од 2 цаг 09 минут 00 секундын амжилтаар түрүүлж, алтан медаль хүртлээ. Ийнхүү тус олон улсын хэмжээний тэмцээнд 3 удаа түрүүлсэн анхны тамирчин болсон байна.
   Тус тэмцээнд 2-т орсон Япон улсын ноймер 1 марафон гүйлтийн тамирчин  Yuki Kawauchi манай гавъяатаас 15 секунд хоцорч ирсэн байна. Нийт 4000 гаруй тамирчид оролцсон тус тэмцээний амжилтаараа Б. Сэр-Од өөрийн хувийн амжилтыг 2 мин 05 сек ахиулсан төдийгүй МУ-ын марафон гүйлтийн шинэ рекорд амжилтыг шинэчлэн тогтоож давхар давхар амжилтыг үзүүллээ. 

   Тэрээр өнгөрсөн 10 сарын 29-нд Японы Осака хотноо болсон ОУ-ын марафоноос мөнгөн медаль хүртсэн юм.
Дэлхийн энэтэй олон тэмцээн, уралдаанд үзүүр түрүү авч, монголынхоо нэрийг өндөрт өргөж яваа манай нэрт тамирчин Б. Сэр-Одыг Алтан Тариа ХХК ивээн тэтгэдэг билээ.
   Гавъяат тамирчин Б. Сэр-Одод цаашдын тэмцээн уралдаанд нь өндөр амжилт хүсье.