Оросын санхүүгийн зохицуулах хорооноос үйл ажиллагаа нь дундаж түвшинд хамаарах гурван банкны үйл ажиллагааг зогсоолоо. Тодруулбал, үйл ажиллагааныхаа цар хүрээгээр улсдаа 84-т ордог “Хөрөнгө оруулалтын банк”, 142-т жагсдаг “Смоленск банк”, 109-т ордог “Банк Росси”-ийн үйл ажиллагааг зогсоосон тухай Төв банк мэдэгджээ. Энэ гурван банкны үйлчлүүлэгчдийн даатгалын төлбөрийг 12-р сарын 27-нд төлж эхлэх бөгөөд нийт 51 тэрбум рубль буюу 1,6 тэрбум долларт хүрсэн талаар Оросын хадгаламжийн даатгалын албанаас мэдээлжээ. Тус улсын зээлдүүлэгчдийн найдвартай байдлыг хамгаалах үүднээс тогтворжуулах бодлого явуулсаны улмаас энэ онд бараг 30 орчим банк зөвшөөрлөө алдсан байна. 
Төв банкны мэдээлсэнээр “Хөрөнгө оруулалтын банк” нь санхүүгийн тайлангаа буруу мэдээлсэн, мөнгөн хөрөнгийн түвшин тогтворгүй байсан нь зээлдүүлэгчдэд эрсдэл учруулж байна гэж үзжээ. Харин "Смоленск банк" нийт хөрөнгөө тогтвортой байлгаж, зээлдүүлэгч, хадгаламж эзэмшигчдийнхээ өмнө хүлээсэн үүргээ биелүүлээгүй байна. Энэ мэдэгдлийн дараа Калининград муж дахь хөрөнгө оруулалтын банкны хадгаламж эзэмшигчид үймж эхэллээ. Өнгөрсөн 11-р сард Москвад төвтэй зээлийн үйлчилгээ эрхлэгч "Мастер банк" өрөнд унасан учраас лицензийг цуцалж байсан юм. Харин “Банк Россий”-ийн дарга Элвира Набиуллина зохицуулах ажиллагааны эсрэг байр суурьтай буйгаа илэрхийлжээ. Харин дампуурал нь банкны салбарт ноёрхож буй улсын өмчит банкны эздэд зориулсан шинэ хэрэглэгчдийн урсгалыг түргэтгэхээс сэргийлж чадна гэж удирдагч үзэж байгаа юм. Энэ талаар ерөнхийлөгч Владимер Путин “Бид хууль бус мөнгө угаахаас сэргийлэхийн тулд санхүүгийн салбарт хатуу байр суурь баримтлах ёстой” гэж мэдэгдсэн байна. Оросын төв банкны дарга Сергей Игнатиев “Ведмост” сонинд өгсөн ярилцлагадаа 2012 онд татвараас зайлсхийсэн, хахууль авсан болон хар тамхины наймааны төлбөрт нийт 49 тэрбум долларын хууль бус мөнгө эргэлдэж, алдагдалд орсон гэж ярьжээ.
