Ерөнхий боловсролын сургуулийн эрүүл мэндийн тулгамдсан асуудал, одоогийн бодит байдал, асуудлыг хэрхэн шийдвэрлэх, арга замын талаар зөвлөлдөх уулзалт өнөөдөр Эрүүл мэндийн яаманд боллоо. Тус уулзалтанд ЭМЯ, БШУЯ, Нийслэлийн боловсролын газар, Улаанбаатар хотын эрүүл мэндийн болон боловсролын газрууд, Хөвсгөл аймаг, Налайх дүүргийн боловсролын газар болоод бусад байгууллагаас холбогдох албан тушаалтнууд, мэргэжилтнүүд оролцож санал бодол солилцсон юм.ЭМЯ, БШУЯ хамтран НҮБ-ын хүүхдийн сангийн санаачлагаар Хөвсгөл айимгийн төв болон Түнэл, Алаг-Эрдэнэ, Хатгал сумын сургууль, Налайх, Хан-Уул дүүргийн сургуулиудын сурагчдын эрүүл мэндийг дэмжих талаар хийсэн үнэлгээг танилцуулсан юм.
Тус уулзалтын үеэр Эрүүл мэндийн дэд сайд Ж.Амарсанаа “Монголын хүн амын гуравны нэгээс илүү хувийг 18 хүртэл насны хүүхэд эзэлж байна. 2012 оны байдлаа Монгол улсын хүн амын 2 867 700 болж хүн амын цэвэр өсөлт 2,0 хувь хүрч, тэдний 40 орчим хувийг 18 хүртэл насны хүүхэд, 13 үочим хувийг 19-24 насны залуучууд эзэлж байна.
Хүний амьдралын хамгийн эрчимтэй хөгжлийн үе болох 10-19 насанд бие бялдарын хувьд ч, оюун ухааны хувьд ч бүрэн хөгжиж төлөвшдөг. Сурагчдыг өөрийгөө хөгжүүлэх, эрүүл мэнд, бэлгийн бойжилт, хоол тэжээл зэрэг асуудалтай холбоотой эрүүл мэндийн өвөрмөц хэрэглээ шаардлагыг тогтооходэрүүл мэндийн байгууллагаас гадна сургууль болон гэр бүлийн үүрэг чухал байна. Тухайн сургууль сурагчдын эрүүл мэндийг хэрхэн анхаардаг, сургууль дээр эрүүл мэндийг дэмжих бодлого хөтөлбөр хэргэжүүлдэг эсэх, эрүүл мэндийн боловсрол олгох асуудал, орчны аюулгүй байдал, хоол хүнсний аюулгүй байдлыг үнэлэн нотолгоонд тулгуурласан арга хэмжээг авах шаардлага зүй ёсоор тулгарч байна.
Насанд хүрэгчийн архаг өвчний 60 хувь нь хүүхэд насандаа эхэлж, ямар нэгэн шинж тэмдэггүй эсвэл хайхралгүй явсаар хожуу илэрсээр байна.
Судалгаанаас ерөнхий боловсролын сургуулийн 1000 сурагч тутмын 678 нь ямар нэгэн архаг өвчтэй гэсэн мэдээлэл байна. Үүний шалтгааныг олж илрүүлсэнээр олон өвчлөлийг бууруулах боломж бүрдэх юм. Жишээ нь:
-Харааны эмгэгтэй хүүхэд олон байхад тухайн сургууль гэрэлтүүлэг, самбар, анги танхимын стандартын хангамжаас
-Хүүхдийн ходоод гэдэсний архаг өвчин сургуулийн орчин дахь хоолны газрын ариун цэвэр, хүнсний аюулгүй байдал, усан хангамж эрүүл ахуйгаас
-Осол гэмтэл нь орчны аюулгүй байдлаас гэх мэт эрүүл мэндэд нөлөөлж болох хүчин зүйлсийг гаргаж ирэх эхний оролдлого юм.
-Хүүхдийн ходоод гэдэсний архаг өвчин сургуулийн орчин дахь хоолны газрын ариун цэвэр, хүнсний аюулгүй байдал, усан хангамж эрүүл ахуйгаас
-Осол гэмтэл нь орчны аюулгүй байдлаас гэх мэт эрүүл мэндэд нөлөөлж болох хүчин зүйлсийг гаргаж ирэх эхний оролдлого юм.
Мөн нийслэлд хотжилт хэт эрчимжхийн хирээр хот суурин газарт өсвөр үеийн залуусын эрүүл мэндийн эрёдэл улам ихсэж, осол гэмтэлд өртөх, цаг буёаал эндэх, тахир дутуу болох, бэлгийн замын халдвараар өвчлөх асуудлууд анхаарал татаж байна. Иймээс эрүүл мэндийн боловсро олгох хөтөлборийг хэргэжүүлж эхлэх юм” хэмээлээ.
Эх сурвалж: Эрүүл мэндийн яам
Сэтгэгдэл (2)