Цагдаагийн байгууллагад өчигдөр гэмт хэргийн шинжтэй 52 үйлдэл бүртгэгдсэн бөгөөд бусдыг дээрэмдэх нэг, хулгай долоо, бусдын биед гэмтэл учруулах хоёр, танхай найм, залилан нэг, зам тээврийн хэрэг 21, осол 11 бүртгэгдэж, үүний улмаас 25 хүн гэмтжээ.

Тухайлбал, СХД-ийн 26-р хороо, Алтан овооны 15-д айл шатаж байна гэсэн дуудлага цагдаагийн байгууллагад өчигдөр иржээ. Дуудлагын дагуу шалгахад уг байранд оршин суух 33 настай эмэгтэй Ү нь гэртээ шатаж нас барсан байсныг илрүүлжээ. Хэргийг СХД-ийн цагдаагийн нэгдүгээр хэлтэст шалгаж байна.