Гүүгл компанийн инженерүүд, компьютер технологийн эрдэмтэд хамтран шинэ програм хангамж зохион бүтээжээ. Энэхүү програмын тусламжтайгаар дэлхийн түүхэн дэх хамгийн нэр нөлөө бүхий 2000 хүний нэрсийн жагсаалтыг гаргасан байна. Програмаар явуулсан шалгаруулалтад хамгийн нөлөө бүхий хүмүүсийг улс төрч, шашны зүтгэлтнүүд тэргүүллээ. Жагсаалтыг Есүс Христ тэргүүлсэн бол, Напелоен, Мухаммед, Абрахам Линкольн, Жеорж Вашингтон нар удаалсан байна. Харин Монголын Чингис хаан 30-р байрт орсон Бол Францын хөгжмийн зохиолч Моцарт 24, поп од Элвис Пресли 69, Мадонна 121, Боб Дилан 130, Жонн Леннон 162-р байрт орсон байна. Тэгвэл таалал төгсөөд удаагүй байгаа Өмнөд Африкийн ерөнхийлөгч Нельсон Мандела 356-р байрт оржээ. Энэхүү програм хангамжийн үнэлгээ нь Гүүглийн хайлтын систем вэб хуудаснуудыг эрэмбэлэдэгтэй адил зарчмаар ажиллах юм. Доктор Стивен Скинагийн хэлснээр интернэт вэб хуудсанд хамгийн олон өгүүлэл гарч, түүнийг хамгийн олон хүн үзэж, шүүмжилж, сэтгэгдэл бичсэнээр програм автоматаар эрэмбэлнэ. Энэ зарчмаар дүгнэхэд Винстон Черчель 37-р байранд орсон бол Английн ерөнхий сайд Дэвид Камерон 1,483-р байрт оржээ. Сонирхолтой нь, нөлөө бүхий эрхмүүдийн жагсаалтад багтсан хүн тус бүрийн мэдээлэл Википедиа хайлтын системд Сан Францико хотын 18 сая хүн амаас илүү тоогоор багтжээ. Судлаачид энэхүү шалгаруулалт нь хүний оролцоогүйгээр явагдсан тул хамгийн үнэн бодит болохыг онцолж байгаа юм. Гэхдээ хамгийн удаан нэр хүндээ хадгалсан, түүхэнд хувь нэмэр оруулсан гэсэн үзүүлэлтийг техникийн тусламжтайгаар үнэлсэн гэж үзжээ. Учир нь вэб хуудасны тоогоор хүмүүсийн нэр хүнд, алдар гавъяаг үнэлж болох юм.