Цэргийн албанаас санаатайгаар зугтах зорилгоор зүү залгичихаад, Н.Баатар офицер намайг дарамталж зүү залгиулсан хэмээн гүтгэсэн Хөвсгөл аймгийн Цагаан-Уул сумын харьяат П.Хэнмэдэх гэх цэргийн хэрэг олны анхаарлыг нэг хэсэгтээ л татсан. Тэрбээр, аавдаа намайг манай дэслэгч дарамталсаар байгааг зүү залгиулчихлаа хэмээн ярьж, аав нь хэвлэлд хандсанаар энэ хэрэг олонд ил болж байсан юм.

Анхлан хэргийг Н.Баатар дэслэгч үйлдсэн байж болзошгүй хэмээн шалгаж, түүнийг үүрэгт ажлаас нь чөлөөлж, Хэнмэдэхийг өөр ангид хуваарилсан ч тэрбээр дахин зүү залгиж хэргийг өөрөө үйлдсэн гэдгээ нотолсон.

П.Хэнмэдэхийн хэрэг одоо Увс аймгийн прокурор дээр хянагдаж байгаа бөгөөд түүнд Эрүүгийн хуулийн 280.1-д зааснаар Цэргийн албанаас зайлсхийхийн тулд өөрийн биед гэмтэл учруулсан гэх үндэслэлээр эрүү үүсгэн шалгаж байгаа билээ.

Байлдагчдаа гүтгүүлж, үнэн мөнийг нь тогтоож өгөх өргөдлөө өгөөд ажлаасаа гараад байсан Н.Баатар дэслэгч буруугүй гэдэг нь тогтоогдсон учраас ажилдаа эргэж оржээ.