Биеийн галбирын ДӨРВӨН ХЭЛБЭР

1."Гурвалжин" –Өргөн гуя, нарийхан мөр
2."Уруугаа харсан гурвалжин"-мөр, цээж гуянаас өргөн. Ийм галбир ихэвчлэн тамирчин охидод тохиолддог.
3."Тэгш өнцөгт"-бэлхүүс, цээж, гуя нэг адил, тэгш галбир
4. Х буюу "элсэн цаг" -өргөн мөр, өргөн гуя, нарийхан бэлхүүс

Загвар зохиогчийн зөвлөгөө

1.    "Гурвалжин" галбиртай эмэгтэй ихэвчлэн гоё хүзүү, нарийхан бэлхүүс, нэлээд өргөн гуятай байдаг. Ийм хүмүүст урт даашинз илүү зохидог. Сонгодог бүжгийн үдэшлэгийн даашинз, гэхдээ өргөн мөртэй. Гол анхаарлаа бэлхүүс хавьдаа хандуул. Цэцэг, хүзүүний зүүлт, сондор, наамлаар гоёсон цээживчтэй даашинз нь цээжний хэмжээг томруулж харагдуулдаг. Мөн өргөн ханцуй, цээжийг өргөн харагдуулдаг сайн талтай.

2.    Спорт маягийн бие галбиртай хүмүүс ихэвчлэн нарийн гуя, жижигхэн хөхтэй байдаг. Ийм хүмүүст гүн V маягийн ухлаадастай, доошлуулсан дэрэвгэр биш хормойтой даашинз зүгээр. Гоё, тэгш хөлтэй бол ямар ч хэмжээнд хөлөө ил гаргаж болно. Тэр хэмжээгээр богино даашинз өмсч болох юм. Ийм хүмүүст гоё гялалзсан материалаар хийсэн дисконы стильтэй мини даашинз зүгээр.

3.    Цээж, өгзөг тэнцүү охидод бол бэлхүүс яаж гаргах вэ гэдэг асуудал үүсдэг. Толгойгоо гашилгахын оронд ер нь бэлхүүсээс шууд татгалз. Тийм учраас шууд л тэгш өнцөгтэй даашинз сонго. Ташааныхаа оёосоор, бас өмнө, хойноо урт зүсэлттэй шал хүрсэн урт даашинз өмсөөд үз дээ. Даашинз чинь таны галбирыг тодруулж өгөх ёстой, гэхдээ биеийг хэт барьсан байж болохгүй. Харин гоё хөлтэй бүсгүйчүүдэд "нисч байгаа сарьсан багваахай"-н ханцуйтай богино даашинз зүгээр.

4.    "Х" галбиртай бүсгүйчүүд нарийн бэлхүүсээ гаргахыг хүсдэг. Тэдэнд ампир маягийн буюу оноотой, урт оруулгатай хагас бэлхүүсэвчтэй хөхний хавьд оруулгатай даашинз зохимжтой. Тэрчлэн нарийхан, бие барьсан, биеийн харьцааг тодруулсан А үсэгний хэлбэртэй даашинз зохино.

Сайхан бүхнээ ил болгож түүнийгээ товойлгосон үс засалтууд л голлоно

Үргэлжлүүлээд сайхан бүхнээ тодотгож өгсөн үс засалтын талаархи зөвлөгөөг хүргэж байна. Үс сайхан бол зүс сайхан гэдэг шүү дээ, тэр тусмаа шинэ жилээр.

Ерөнхийдөө өвлийн улиралд хүний үс арчилгаа их шаарддаг. Гэхдээ хөргөгчиндөө байгаа гарын доорх зүйлээр үсээ эмчилж болно. Зөгийн балаар үсэндээ маск тавих эсвэл эмийн сангаас ганга өвс аваад буцалгаж хандлаад угааж болно. Ингээд энэ шинэ жилийн үс засалтад сүлжээс давамгайлсан үс засалт зонхилно. Түүнчлэн шувуун засалт буюу орой нь босдог засалт моданд орж байгаа гэнэ. Мөн энэ жилийн хувьд буржгар, ороосон үсийг 100 хувь халж байгаа гэнэ шүү. Энэ жилийн шинэ жилийн гоёлын засалтад хагас шуулт, гоёлын сүлжээс голлоно. Бүсгүйчүүд маань өмсөх даашинзандаа тааруулж үсээ засуулахыг зөвлөж байна. Өөрөөр хэлбэл, сайхан бүхнээ ил болгож түүнийгээ товойлгосон үс засалтууд л голлоно гэж байна. Ингээд гялгар даашинз, бас сайхан үс засалт дээрээ та гоёмсог туфль сонгоод л гүйцэх нь.