Монголын ТВ-үүдийн шилдэгийг шалгаруулах “Алтан Шонхор-2013” наадам болж өнгөрлөө.Наадмыг нээж ТВ-үүдийн холбооны гүйцэтгэх захирал М.Уламбадрах үг хэлэв. Тэрээр “2013 онд ТВ ертөнцөд олон үйл явдал болжээ. Монголын ТВ-үүдэд ток шоу, аялал, ярилцлага, цэнгээнт нэвтрүүлгийн төрөл жанр улам хүчтэй түрэн өндийж байгаагаа зарлаж байгааг бид харж байна. Тойм анализ, эгэл хүмүүс, энгийн амьдралын сурвалжлага, асуудал дэвшүүлсэн, анхаарал татсан эрэн сурвалжлага хангалттай биш байгааг ч бидэнд харуулсан он байсан гэж бодож байна. Монголын ТВ-үүдийн холбоо “Нийгэмдээ гэрэл тусгая” гэж уриалсан. Гэрэл бас бидэн дээр илүү тод тусах ёстой байх. Өөрсөд дээрээ фокусаа сайн тааруулж, өө сэв, өөдрөг амжилтаа адилхан дэнслэх цаг бол оны төгсгөл юм. Ийнхүү 2013 он төгсөж байна. Юмыг төгсөж байна гэж хэлэх онц биш байх. Эхлэж байна гэж зарлах нь илүү билэг дэмбэрэлтэй ч, тэмүүлэл зорилготой ч сонсогддог шүү дээ. 2013 он төгсөж байгаа ч илүү их өрсөлдөөн, илүү их амжилт руу дуудсан 2014 он эхэлж байна.”гэлээ.

Ингээд 2013 оны “Алтан шонхор”-уудыг танилцуулъя.

ТЕЛЕВИЗИЙН ШИЛДЭГ МЭДЭЭ
EAGLE  телевизийн ‘’Усны үнэ’’ мэдээ, cэтгүүлч  М.Төгөлдөр  зураглаач М.Ганбаяр

ТЕЛЕВИЗИЙН ШИЛДЭГ ТӨСӨЛ
UBS телевизийн “To be or not to be” төсөл

ТЕЛЕВИЗИЙН ШИЛДЭГ ТАЙЗНЫ ЗУРААЧ
EAGLE телевизийн тайзны зураач Л.Баасан-Ёндон

ТЕЛЕВИЗИЙН ШИЛДЭГ ГРАФИКЧ
TV5 телевизийн графикч Г.ЭНХЦОЛМОН

ТЕЛЕВИЗИЙН ШИЛДЭГ ХӨТЛӨГЧ
EAGLE телевизийн  хөтлөгч Б.ЖАРГАЛМАА

ТЕЛЕВИЗИЙН ШИЛДЭГ СЭТГҮҮЛЧ
TV5 телевизийн сэтгүүлч М.АМАРБАЯР

ТЕЛЕВИЗИЙН ШИЛДЭГ ИНЖЕНЕР
TV5  телевизийн инженер Б.ОДБАЯР

ТЕЛЕВИЗИЙН ШИЛДЭГ ЗУРАГЛААЧ
NTV телевизийн зураглаач  Х.ӨЛЗИЙБАЯР

ТЕЛЕВИЗИЙН ШИЛДЭГ НАЙРУУЛАГЧ
TV9 телевизийн  найруулагч О.СОЁЛТ

ТЕЛЕВИЗИЙН ШИЛДЭГ ДУУ ОРУУЛАГЧ ЖҮЖИГЧИН
TV9 телевизийн  дуу оруулагч жүжигчин Н.ЯЛАЛТ

ТЕЛЕВИЗИЙН ШИЛДЭГ ДУУНЫ НАЙРУУЛАГЧ
UBS телевизийн  дууны найруулагч Э.ЭРДЭНЭБАЯР

ТЕЛЕВИЗИЙН ШИЛДЭГ ХӨГЖМИЙН НЭВТРҮҮЛЭГ
ЭХ ОРОН  телевизийн  “СЭТГЭЛД ХОНОГШСОН ДУУНУУД” нэвтрүүлэг

ТЕЛЕВИЗИЙН ШИЛДЭГ ЦЭНГЭЭНТ НЭВТРҮҮЛЭГ
TV25  телевизийн  “ДУЭТ ДУЭЛЬ 2013” нэвтрүүлэг

ТЕЛЕВИЗИЙН ШИЛДЭГ ХҮҮХДИЙН НЭВТРҮҮЛЭГ
БОЛОВСРОЛ телевизийн “БОНГО” хүүхдийн нэвтрүүлэг

ТЕЛЕВИЗИЙН ШИЛДЭГ СПОРТЫН НЭВТРҮҮЛЭГ
NTV телевизийн “ИХ МАСТЕРЫН ТӨЛӨӨ” нэвтрүүлэг

ТЕЛЕВИЗИЙН  ШИЛДЭГ НИЙГЭМ ЭДИЙН ЗАСГИЙН НЭВТРҮҮЛЭГ
EAGLE  телевизийн “ЭРЭН СУРВАЛЖЛАГЧ” нэвтрүүлэг

ТЕЛЕВИЗИЙН ШИЛДЭГ НИЙТЛЭЛ ТАНИН МЭДЭХҮЙН НЭВТРҮҮЛЭГ
БОЛОВСРОЛ телевизийн  “ТАВИН САЯЫН УНАЛТ” нэвтрүүлэг

ШИЛДЭГ ОРОН НУТГИЙН ТЕЛЕВИЗ
Орхон аймгийн MBS HD телевиз