Сан Францискогийн оюутан Амир Пател хэдэн тэрбум жижиг хэсгүүдээс бүрдсэн цамц зохион бүтээжээ. Энэхүү цамцан дээр шингэн зүйл, давс, бүр кетчуп асгасан ч толбо болохгүй гэнэ. Сонирхолтой нь, цамцыг нүдэнд үл үзэгдэх бичил мяндсаар хийжээ. Гэхдээ энгийн материалаар хийсэн хувцаснаас ялгагдахгүйгээр биед эвтэйхэн. Шинэ нээлт хийсэн Пател компаниудтай гэрээ хийж, бүтээгдэхүүнээ ирэх оноос эхлэн нэг бүрийг нь 50 долларын үнэтэйгээр худалдаанд гаргахаар болжээ.

    Тэрээр өвөрмөц цамцныхаа санааг одоогоос 6 сарын өмнө бодож олжээ. Эхлээд цамцан дээр толбонд тэсвэртэй химийн бодис шүршиж үзэж байгаад эцэст нь, угаах хэрэгтэй болох учраас мяндсаар цамц хийхээр болсон байна. Ингээд хэд, хэдэн удаа туршилт амжилтгүй болсоны эцэст арьсанд харшил өгөхгүйгээр, молекулын түвшинд мяндсан цамц хийжээ. Мяндсанд хэдэн сая цахиур агуулагддаг учраас шингэнийг нэвтрүүлэхгүйгээр, гадагш урсгана. "Silic" нэртэй цамцыг 80 удаа угаах боломжтой гэж тооцвол хоёр жил хэрэглэх боломжтой юм. Тиймээс ахин дахиж угааж, хатааж, индүүдэх ч шаардлагагүй боллоо. Хэрвээ энэ технологи хэрэглээнд нэвтэрч, хөгжиж эхэлвэл, хувцас угааж, индүүдэх ажлаас чөлөөлөх нь ээ.