Улиран өнгөрч буй 2013 онд айл гэрийн аз жаргал болсон бяцхан үрсээ хүлээн авсан олны танил хүмүүсийг 24tsag.mn сайт нэрлэж байна. Энэ онд 15 олны танил хүн шинээр ээж, аав болсон бол гавьяат тамирчин Н.Түвшинбаяр, "Харанга"-ын Х.Лхагвасүрэн тэргүүтэй зургаан алдартан бүл нэмжээ.
Олимпийн алт мөнгөн медальт, Хөдөлмөрийн баатар, МУГТ Н.Түвшинбаяр анхны охиноо энэ оны нэг сард өлгийдөн авсан.
Загварынхан дундаа хамгийн төгс хос гэгддэг С.Эрдэнэцогт, С.Төгсөө нар энэ оны нэг сарын 30-нд бүл нэмж хөөрхөн охинтой болсон билээ.
“MCS” группийн харьяа "Sky resort" цанын баазын захирал н.Батсуурийн охин Б.Анартай нижгэр хурим хийсэн дуучин Б.Хонгор цагаан сарын өмнөхөн хүүтэй болсон.
“Universe best songs” тэмцээний Гранпри шагналт дуучин Ч.Цэлмүүн энэ оны 2 сарын 20-нд "Гурван гал" эмнэлэгт нярайлж хүүтэй болсон юм.
Азийн хатан хаан өргөмжлөлт, мисс Г.Оюунгэрэл мөн энэ оны гурван сард амаржсан. Тэрээр одоохондоо хүүхдийнхээ хүйсийг нууцалж байгаа гэнэ.
Жүжигчин Б.Хулан ч мөн энэ онд төржээ.
“Эра модель” агентлагийн загвар өмсөгч Б.Сайнаа, найруулагч С.Билгүүн нар энэ жил хөөрхөн охинтой болсон.
Нийтийн дууны ертөнцөөс төрсөн ээлжит хос болох залуу дуучин Б.Болд, Э.Чулуунчимэг нар анхны үрийнхээ зулайг үнэрлэж бяцхан охинтой болсон юм. Тэд охиндоо Аялгуу хэмээх содон нэрийг өгчээ.
“Тусгай салаа” киноны Номингийн дүргийг шаггүй сайн гаргаж олон нийтээс магтаалыг үг сонссон жүжигчин мисс Б.Гэрэлчулуун энэ оны гурван сард үрийн зулай үнэрлэж, охинтой болсон юм.
МУ-ын Гавъяат тамирчин, Лондонгийн олимпийн мөнгөн медальт Н.Төгсцогт өнгөрсөн дөрөвдүгээр сард аав болсон.
Саяхан СТА болсон О.Долгор, жүжигчин Б.Чинзориг нар өнгөрөгч таван сард хоёр дахь үрийнхээ зулайг үнэрлэсэн.
Дуучин Ану энэ оны зуравдугаар сард амаржиж охинтой болсон. Тэрээр ээж болсноо хэвлэлийнхнээс ихэд нууцалж байсан бөгөөд хэдэн сарын дараа ээж болсноо хүлээн зөвшөөрсөн юм.
"Макс" продакшны жүжигчин П.Эрдэнэзааных энэ жилийн наадмаар шинэ хүнтэй болж давхар баяр тэмдэглэсэн. Тэрээр дахин нэг охинтой болсон бөгөөд тийнхүү дөрвөн хүүхдийн аав болоод байгаа юм.
Спортын салбарын үлгэр жишээ хос Хөдөлмөрийн баатар Х.Цагаанбаатар, О.Гүндэгмаа нар Бээжингийн олимпийн дараахан анхныхаа хүүг төрүүлсэн билээ. Харин хосууд энэ онд хүү охин хоёр ихрээ өлгийдөн авсан юм.
Хайрын дууч О.Анхбаяр, Б.Халиун хоёр энэ жил хоёр дахь үрийнхээ зулайг үнэрлэсэн. Одоо тэдний том хүү таван настай бөгөөд кикбоксоор хичээллэдэг аж.
Экс
Ерөнхийлөгч Н.Энхбаярын том хүү, Монгол банкны дэд ерөнхийлөгч
Э.Батшугар өнгөрөгч долдугаар сард анхны үрээ өлгийдөн авсан. Түүний эхнэр Т.Дариймаа нь АНУ-д
очиж төрсөн бөгөөд охинтой болсон юм. Тийнхүү Э.Батшугар охинтой болсноор
экс Ерөнхийлөгч болоод гэргий О.Цолмон нарыг эмээ, өвөө болгоод буй.
Лондонгийн олимпийн хүрэл медальт, Монгол Улсын Гавьяат тамирчин
С.Ням-Очир 8 дугаар сарын 14-нд аав болсон. Түүний гэргийг манай шилдэг жүдоч бүсгүй
П.Лхамдэгд гэдгийг спорт сонирхогчид андахгүй бөгөөд тэрээр гавьяатад хүү төрүүлж өгчээ.
Дуучин А Cool буюу Б.Анхбаяр саяхан болсон "Зүрхэнд" тоглолтынхоо үеэр эхнэр хүүхдээ танилцуулсан. Түүний хүү өдгөө хоёр сартай.
Хошин урлагт болон уран сайхны кинонд чадварлаг залуу жүжигчин гэдгээ бататгадаг “Эмоци” хамтлагийн жүжигчин Г.Эзэнмөнхийн гэр бүл өнгөрөгч 10 дугаар сард шинэ хүнтэй болсон. Тэрбээр охинтой болсон билээ.
“Miss Mongolia-2009” тэмцээний тэргүүн мисс, загвар өмсөгч Х.Бадамгэрэл саяхан амаржиж, хүүтэй болсон. Түүний нөхөр дуучин Becky гэдгийн та бүхэн мэдэх биз.
Хамгийн сүүлд “Харанга” хамтлагийн дуучин Х.Лхагвасүрэнгийн гэргий Гаагаа буюу Г.Ганбаяр өчигдөр амаржиж хүүтэй болсон билээ. Дуучны төрсөн өдөр өчигдөр байсан бөгөөд бүл нэмж давхар баяр тохиосон байна. Хөөрхөн хүү нь хорвоод мэндэлсэн баярт мэдээг тэрбээр “Төрсөн өдөрт минь хүү төрүүлж бэлэг барьсан хайрт ханьдаа маш их баярлалаа. Төрсөн өдрөөр минь төрсөн хүүдээ баярлалаа. Хос баярыг минь хуваалцсан түмэн олондоо асар их баярлалаа. Мөнх хөх тэнгэртээ баярлалаа. Хурай хурай” хэмээн баярынхаа сэтгэгдлийг цахим хуудсандаа бичжээ.
24tsag.mn
Сэтгэгдэл (3)