МҮОХ-ны ерөнхийлөгч Д.Загдсүрэнд Авилгатай тэмцэх газраас эрүүгийн хэрэг үүсгэн, өнгөрсөн хоёрдугаар сарын 22-нд саатуулан шалгаж эхэлсэн билээ. Түүнийг ар гэрийнхнийх нь хүсэлтээр батлан даалтад гаргасан юм. Тэгвэл Д.Загдсүрэнд холбогдох хэргийн мөрдөн байцаах ажиллагааг дуусгаж яллах дүгнэлт үйлдүүлэхээр Нийслэлийн прокурорын газарт шилжүүлсэн гэж АТГ-аас мэдээлж байсан. Тэгвэл энэ сарын 23-ны өдөр Нийслэлийн прокуророос түүний хэргийг шүүхэд шижлүүлжээ.  Хэргийн талаар Нийслэлийн Прокурорын орлогч Ц.Батболд хэлэхдээ  "Энэ хэрэг МҮОХ-ны ерөнхийлөгч Д.Загдсүрэнгээс гадна тус хороонд хуулийн зөвлөхөөр ажиллаж байсан Наранцэцэг гэгчийг шалгаж байгаа. Эдгээр хүмүүст холбогдох хэрэгт яллах дүгнэлт үйлдээд шүүхэд шилжүүлсэн. Өмнө нь энэ хэрэг дээр Прокуророос яллах дүгнэлт үйлдээл шүүхэд шилжүүлсэн ч шүүхээс зарим асуудлыг тодруулахаар нэмэлт мөрдөн байцаалтанд буцаасан байсан. Нэмэлт мөрдөн байцаалтанд заасан шүүхийн тогтоолыг хийж гүйцэтгээд дахин ийн шүүхэд шилжүүллээ" гэв.

   Д.Загдсүрэнг албан тушаалын байдлаа ашиглан МҮОХ-ны ерөнхийлөгчийн сонгуульт албыг хаших явцдаа тус холбооны өмчлөлийн газар буюу хашаан доторх хэсэг газрыг “Тамирчин”  гэх нэртэй сувилалд  дур мэдэн өгсөн хэмээн  хэрэгт буруутгаж байгаа аж. Түүнчлэн тамирчдад зарцуулах мөнгөнөөс хувьдаа завшиж, өөрийнхөө хувийг  хувийн компани руу шилжүүлсэн үндэслэлээр эрүүгийн хэрэг үүсгэсэн гэх үндэслэлээр хэрэг үүсгэсэн байдаг.