2014 онд соёлын ертөнцөд ямар онцгой содон үйл явдал болох бол? “BBC” агентлаг ирж буй шинэ онд ном, кино, телевизийн цуврал зэрэг урлагийн салбарт ямар үйл явдал биднийг хүлээж буйг нэрлэсэн байна.

Сүүлийн 20 гаруй жилийн хугацаанд нэг ч цомог 20 гаруй сая хувиар зарагдаж байгаагүй юм. Тэгвэл энэ жил дуучин Тэйлор Свифт энэ амжилтын эзэн болсон юм. Дуучин Адель “Ed Sheeran” цомгоо ирэх онд гаргахаар төлөвлөж буй бөгөөд хөгжим шүүмжлэгчид энэхүү бүтээлийг амжилтаар дүүрэн байх болно гэж таамаглаж байна. Шинэ цомог гарах хугацааг товлоогүй ч ирэх зунаас хэтрэхгүй байх гэж дуучны продюсер мэдэгджээ.

 

Шилдэг зохиолчийн шагналд гурван удаа нэр дэвшигч Сара Уолтер 2014 онд шинэ романаа гаргахаар төлөвлөжээ. Түүний шинэ зохиол адал явдлаар дүүрэн бөгөөд ирэх онд тэсрэлт хийж магадгүй гэж үзэж байна.

Зохиолч Мартин Эмис 19-р зууны дунд үед Сан Францискод болсон аллагын нууцыг дэлгэх гэж байна. Мөн Пулитцерийн шагналт Мэрилин Робинсон ирэх онд зөгнөлт шинэ зохиолоо гаргах юм. Харин кино урлагийн салбарт ямар шинэ уран бүтээлүүд төрөн гарах бол?

Ирэх онд Avengers, Superman, Хүн аалз, “X-Men”, Transformers цувралын шинэ ангиуд нээлтээ хийх ажээ. Энэ мэтчилэн амжилттай болсон олон цуврал бүтээлүүд зэрэгцэн нээлтээ хийх тул өрсөлдөөн их байх болно гэж таамаглаж байна. Мөн Анжелина Жолигийн тоглосон нойрсож буй гүнж киноны шинэ анги үзэгчдийн хүртээл болохоор болжээ.