2013 онд эмэгтэйчүүдийн гоёл боловсронгуй болж, шинэ түвшинд хүрчээ. Эмэгтэйчүүдийн бугуйн цагны ажиллах механизм нь хөгжиж, чимэглэл нь улам боловсронгуй болсоор байна. Тухайлбал, уламжлалт үнэт эрдэнэсээр чимэглэх арга барилаас татгалзаж, сүрэл, өд зэрэг санаанд оромгүй материалуудыг ашиглах болжээ. Мөн төрөл бүрийн чулуунуудыг өргөнөөр ашигласан цаг 2013 онд зонхилсон байна. Ингээд чанар болон үзэмжээрээ эмэгтэйчүүдийн сонирхлыг хамгийн их татсан, шилдэг 10 цагийг танилцуулж байна.
“Bulgari‘ брэндийн цаг нь 18,200 долларын үнэтэй бөгөөд очир алзмааз, индранил орсоноороо ер бусын бүтээл болжээ. Цагийг уламжлалт загвараас өөр хэлбэрээр буюу 0-60 секундын хугацаатайгаар хийжээ. 
“Ulysse Nardin” брэндийн тансаг зэрэглэлийн цаг нь 310 мянган долларын үнэтэй. Цагны гол хэсэгт 92 очир алмааз, 99 ширхэг бадмаараг шигтгэсэн байна.
“Chanel “ брэндийн энэхүү цаг нь өнгө, загвараараа эмэгтэйчүүдийн сонирхлыг татжээ. 95,370 долларын үнэтэй цагийг хийхэд урьд хожид үзэгдээгүй их гар чимэглэл шаарджээ. 
“Girard-Perregaux” бүтээгдэхүүн нь 292,500 долларын үнэтэй бөгөөд цав цагаан өнгөөрөө эмэгтэйчүүдийн сонирхлыг татсан байна. 1000 алмааз эрдэнэ, цагаан алтаар энэхүү бугуйн цагийг чимэглэхэд бүтэн долоо хоногийн хугацаа зарцуулжээ. Цагны суурь нь цасан ширхэг адил гялалзаж харагдана.
“Bovet” брэндийн бугуйн цаг нь 168 мянган долларын үнэтэй. Цэнэгээ долоо хоног хадгалах бөгөөд ажил хэрэгч бүсгүйчүүдэд тохиромжтой.
“Patek Philippe” нь сүүлийн жилүүдэд эмэгтэйчүүдэд төгс зохицсон бугуйн цаг үйлдвэрлэхэд анхаарч байгаа бөгөөд 367 ширхэг алмааз орсон, маш нимгэн загвараа танилцуулж байна. 116 мянган долларын бүтээгдэхүүнд цагаан алт болон эрдэнэсүүдийг шигтгэжээ.
“Jaeger-LeCoultre” бугуйн цаг нь бат бөх байгаад зогсохгүй орчин үеийн загварын чиг хандлагыг харуулсан. Очир эрдэнэ, сувд зэрэг үнэт эдлэлээс гадна өд орсон.
“Vacheron Constantin” бугуйн цаг нь 187,449 долларын үнэтэй. Цагийг мэргэжлийн дизайнер урласан бөгөөд сууринд жинхэнэ цэцэгсийг наалдуулж, өнгөлсөн байна.
Сэтгэгдэл (4)