Өчигдөр зам тээврийн осол хэргийн дуудлага 262 иржээ. Гэхдээ осолд өртсөн хүүхэд байхгүй, хүний амь нас хохироогүй аж.

Согтуугаар тээврийн хэрэгсэл жолоодсон зөрчил 63 тохиолдол бүртгэгджээ. Тухайлбал, СБД-ийн 20-р хороо Бэлхийн замд “Hyundai Elantra” автомашины жолооч Ч нь замын хажуугийн хашлага мөргөж жолооч Ч гэмтжээ. Мөн ЧД-ийн 3-р хороо Их дэлгүүрийн баруун замд “Hyundai Elantra” автомашины жолооч Д нь явган зорчигч Х мөргөж гэмтээсэн байна.