Прокурорын байгууллага харьяа байгууллагууддаа шалгалт хийхэд ёс зүйн зөрчил гаргасан тохиолдол Архангай, Говь-Алтай, Говьсүмбэр аймаг, Баянгол, Сонгинохайрхан дүүрэгт тус бүр 1, нийт 5 гарчээ. Өнгөрсөн хугацаанд  2 прокурор прокурорын ёс зүйн дүрмийн холбогдох заалтыг зөрчсөн болох нь Ёс зүйн зөвлөлийн дүгнэлтээр тогтоогдсон тул сахилгын шийтгэл хүлээсэн байна. Дээрхи 5 зөрчлийн  гурвыг  нь  үйлчилгээний ажилтнууд гаргасан байна.

2013 оны эхний 10 сарын байдлаар нийт нэгжийн хэмжээнд 5533 хэргийг шүүхэд шилжүүлснээс 799 буюу 14.4 хувь нь шүүхээс нэмэлт хэрэг бүртгэлт, мөрдөн байцаалтын ажиллагаа хийлгэхээр прокурорт буцсан ба шүүхээс буцсан хэргийн тоо 2012 оны мөн үеийнхтэй харьцуулахад 10.3 хувиар өссөн байна.

Архангай аймгийн прокурорын газрын шүүхэд шилжүүлсэн хэргээс 20.6, Баян-Өлгийн 23.7, Дундговийн 20,3, Завханы 18.6, Орхоны 17,9, Нийслэлийн 33.3, Баянгол дүүргийн 21.3, Сүхбаатар дүүргийн 17.8 хувь нь шүүхээс буцсан нь хамгийн олон байгаа бол Говьсүмбэрт 4.8, Өвөрхангайд 6,9, Сүхбаатар аймагт 8.4, Ховдод 6.6, Хөвсгөлд 4.6 хувь, Тээвэрт 5.6, Багануурт 7.5 хувьтай байгаа нь хамгийн бага байна. Урд оны мөн үеэс Нийслэл, Баянгол, Баянзүрх, Сонгинохайрхан, Чингэлтэй дүүргийн прокурорын газруудын шүүхээс буцаасан хэргийн тоо өссөн бөгөөд эдгээр газарт гэмт хэргийн тоо болоод шүүхэд шилжүүлсэн хэргийн тоо өссөнтэй холбоотой байна.