Өнөөдөр Үндэсний супер лигийг 7 хожил, 3 хожигдолтойгоор тэргүүлж буй “SBL Хасын Хүлэгүүд” баг хоёрдугаар тойргийн тав дахь тоглолтоо 18:00 цагаас “Гурвантамир” багийн эсрэг хийх гэж байна.

Энэхүү тоглолтод “SBL Хасын Хүлэгүүд” багийн легионер 2011 оны драфтын сонголт Чуквудиебере Мадуамбум эхний тоглолтдоо оролцох юм.

Тэрбээр “Хүлэгүүд”-ийн бүрэлдэхүүнд #34 дугаартай тоглохоор болсон бөгөөд түүний өмсгөлийг өчигдөр бэлтгэл дээр нь гардуулан өгсөн байна.

Дашрамд сонирхуулахад Чуквудиебере Мадуамбум 1991 оны гуравдугаар сарын 19-нд Нигери улсад төрсөн. Нигери улсын иргэн. Мэргэжлийн сагсан бөмбөгч. Биеийн өндөр 206 см, жин 95 кг. 2011 оны NBA-гийн драфтын хоёрдугаар раундын 56 дахь сонголтоор Лос-Анжелес Лейкерс багт хуваарилагдаж байсан юм.