Үе үеийн парламентад олны анхаарлыг татах гэж хичээдэг ч амжилт олдоггүй этгээд гишүүд байдаг. Тухайлбал “сум” Дашзэвэгээс эхлээд Л.Гүндалай хүртэлх олон хүнийг жагсааж болно. Энэ парламентын этгээд гишүүнээр О.Баасанхүү тодроод байгаа.
    Тэрээр намын дэд даргаасаа эхлээд ерөнхий сайд, УИХ-ын гишүүдтэй хүртэл сөргөлддөгөөрөө алдаршаад эхлэв. Хамгийн сүүлд тэрээр “Би хүчгүй байна гэдэг бол Н.Энхбаяр хүчгүй байна” хэмээн мэдэгдээд авсан юм. Харин Засгийн газрын агентлагуудын удирдлага дунд О.Баасанхүү шиг ааш араншинтай хүн бий гэж эх сурвалж мэдээлэв. Тэр бол Цөмийн энергийн газрын дарга Н.Тэгшбаяр аж. Түүнийг хүмүүс яаж явж байгаад дарга болчихсон юм болоо гэж ихэд гайхдаг. Н.Тэгшбаяр дарга  “Увсынхан хүчтэй бол би хүчтэй” гэх мэт агуулгатай элдэвийн зүйл ярихдаа сайн гэж саарал ордныхон ярилцах болов. Харин саяхан тэрээр “О.Баасанхүү гишүүн асуудлаа мэдэхгүй байгаа бол би хичээл зааж чадна” гэж мэдэгдэв. Үүнийг нь сонссон ордныхон “таарсан хүмүүс л таарсан хүмүүстээ хичээл заах нь дээ” хэмээн шоглох боллоо. Ингээд үг авдаггүй О.Баасанхүү гишүүн өөр шигээ үйлдэлтэй багштай болж таарах нь дээ.