Нийт гал түймрийн  дуудлагын хувьд байшин шатсан 7, машин шатсан 3, хог шатсан 2, цахилгаан хэрэгсэлтэй холбоотой 3 дуудлага ирсэн ба дүүргээр нь авч үзвэл Баянгол дүүрэгт 1, Баянзүрх дүүрэгт 3, Сүхбаатар дүүрэгт 1, Сонгинохайрхан дүүрэгт 4, Хан-Уул дүүрэгт 3, Чингэлтэй дүүрэгт 3 дуудлага тус тус ирсэн байна.

Гал түймрийн дуудлагын шалтгаан нөхцлийг тодруулахад пийшин зуухны ашиглалтын буруугаас байшингийн дээвэр шатсан дуудлага 30 хувь, автомашины цахилгаан ашиглалтын буруугаас шатсан 30 хувь, бусад шалтгаантай холбоотой 40 хувь тус тус эзэлж байна. Иймд иргэд гэр, орон сууцныхаа галын аюулгүй байдлыг сайтар хангаж анхаарал болгоомжтой байх.

 Мөн сурагчдын амралт үргэлжилж байгаатай холбогдуулан хүүхэддээ тавих хяналтаа сайжруулах, гэрт нь харгалзах хүнгүйгээр үлдээхгүй байхыг нийслэлийн Онцгой байдлын газраас сэрэмжлүүлж байна.