Он гараад удаагүй байгаа энэ үед 24tsag.mn сайт зарим урлаг соёлын алдартнууд энэ онд юу хийхээр төлөвлөснийг танилцуулж байна. С.Жавхлан гавьяат "Дэлхийн монгол" төслөө хэрэгжүүлнэ
2013 онд “Хамаг Монгол” төслөө хэрэгжүүлж дууссан МУГЖ С.Жавхлан энэ онд “Дэлхийн Монгол” төслөө хэрэгжүүлнэ. Тэрээр “Дэлхийн Монгол” төслийнхөө хүрээнд дэлхийн өнцөг булан бүрт байгаа Монголын соёлын биет өвийг цуглуулж түүгээрээ музей байгуулах гэж байгаа юм. Мөн тэрээр төслөө хэрэгжүүлж байх хугацаандаа “Go” продакштай хамтран баримтат кино хийх бөгөөд соёлын өвийг хадгалж байгаа бүх хүмүүстэй уулзсан, эд хэрэглэлийг нь сонирхсон, музейд тавих асуудлаар ярилцсан гэх зэргээ уг баримтат кинонд харуулах юм байна.
Т.Дэлгэрмөрөн ард түмнийхээ хийморийг сэргээх цомог гаргана
СТА дуучин Т.Дэлгэрмөрөн энэ оныг уран бүтээлийн олз омог дүүрэн угтаж байгаа. Тэрээр тун удахгүй “Хийморь” хэмээх цомгоо худалдаанд гаргах гэж байна. Түүний цомог 5 дуутай бөгөөд бүгдийг нь “Хурд” хамтлагийн гоцлол гитарчин Д.Отгонбаяр зохиожээ.
А Cool ирэх сард хайрын дууны тоглолт хийнэ
Олон сайхан хайрын дуутай дуучин А Cool буюу Б.Анхбаяр ирэх хоёрдугаар сард хайрын дууны тоглолт хийхээр болжээ. Одоогоор энэхүү тоглолтын тов гараагүй байгаа бөгөөд хайрын дууч залуу шилдгийн шилдэг хайрын дуунуудаараа хосууддаа бэлэг барих гэж байгаа бололтой.
Ану дэлгүүрээ нээж үнэртнээ худалдаанд гаргана
Урлагийнхан дотроо шаггүй бизнесмен гэгддэг дуучин Ану энэ онд өөрийн нэрийн сүрчиг гаргана. Тэрээр энэхүү ажлаа маш удаан хугацааны турш бодож төлөвлөсний эцэст хэрэгжүүлж эхэлсэн гэдэг бөгөөд “АНУ” нэртэй сүрчигнийхээ тухай “Миний нэрийн энэ сүрчигийг түрхсэн бүсгүй үргэлж эрчүүдийн анхаарлын төвд байна. Ямар ч эр хүн “миний үнэрээр” сэргэх болно гэдэгт итгэлтэй байна” хэмээн ярьж байсан удаатай.
Э.Оюумаа бие даасан тоглолт хийнэНэг хэсэгтээ урлагийн ертөнцөөс хол хөндий байсан СТА дуучин Э.Оюумаа саяханаас уран бүтээлдээ ханцуй шамдан орсон билээ. Саяхан 108 захиатай номны хэрэгт орохоо шахсан дуучин бүсгүй энэ онд олон ажил төлөвлөжээ. Тухайлбал тэрээр бие даасан тоглолтоо хийх гэж байгаа талаараа нэгэн сэтгүүлчид ам алдсан юм.
Харанга 25 жилийн ойн баяраа нүсэр тэмдэглэнэ
Рок попын ертөнцөд томоохон байр суурь эзэлдэг "Харанга" хамтлагийн 25 жилийн ой энэ онд тохиож байгаа билээ. Хамтлагийн гишүүд ойн баяраа угтаж бие даасан тоглолтуудаа хийгээд амьжсан бөгөөд энэ онд тэд өөрсдийн гэсэн номыг гаргахаар зэхэж байгаа юм. Номын эх хэвлэлтэнд ороход бэлэн болсон бөгөөд номонд тус хамтлагийн түүхийг өгүүлэх гэрэл зураг, дурсамж яриа багтсан гэнэ.
Сэтгэгдэл (2)