Монголын Байгаль орчны иргэний зөвлөлийн гишүүнээр Гавьяат эдийн засагч Н.Дашзэвэг ажилладаг. Тэрбээр байгаль орчин, тэр дундаа модны хулгайтай тэмцэх асуудлыг байнга хөнддөг. Тус зөвлөлийн зүгээс БОНХЯ-ны дэргэд шинээр байгуулагдсан “Ой модны хулгайтай тэмцэх хэлтэс” ажлаа хийхгүй байна хэмээн шүүмжлэхийн зэрэгцээ хууль, хяналтынхан муу ажиллаж байна хэмээн дүгнэж байсан. Тэгвэл Н.Дашзэвэг өнөөдөр ойн модны хулгайн асуудлаар Хууль зүйн сайд Х.Тэмүүжинтэй уулзсан байна. Х.Тэмүүжин сайд энэ талаар дэмжиж ажиллах боломжтой гээд хамтран ажиллах хэд хэдэн санал гаргажээ.