Үндэсний супер лигийн сүүлийн буюу гурав дугаар тойргийн хоёр тоглолт өчигдөр спортын төв ордонд болж өнгөрлөө. Эхний тоглолт лигийг ганцаараа найман хожилтойгоор тэргүүлж яваа Дорнод Танан Гарьд багийн эсрэг тэднээс ердөө ганцхан хожил дутуу яваа УБ Альянс Тэк ШУТИС Харцага багуудын хооронд болсон. Тус тоглолтонд 90:84 харьцаагаар Гарьдууд өрсөлдөгчөө буулгаж авснаар лигийг ганцаараа игэл төгс тэргүүлж эхэллээ. Гарьдуудаас  С.Отгонмөнх 29 оноо, таван самбар, гурван оновчтой дамжуулалтаар багаа хожил авахад үнэтэй хувь нэмэр оруулсан бол Харцага багаас легионер тоглогч Ватт Дэймонд 23 оноо авч багаа тэргүүлсэн юм.

      Хоёр дахь тоглолтонд Увс Эрдэнэдрийлинг Ригс болон Баянгол Гурвантамир багуудын хооронд болж 87:91 харьцаатай Гурвантамир өрсөлдөгчөө буулгаж авлаа.  Ингэснээр Баянгол Гурвантамир баг лигт найман хожилтой болж Танан Гарьдын ард бичигдэж байна. Гурвантамирчуудаас Аустин Виттер 37 оноо авч багаа тэргүүлсэн.  Маргааш буюу баасан гарагт Спортын төв ордонд Говь-Алтай Монторх болон Баянзүрх Их Өргөө Аравтууд, Сүхбаатар SBL Хүлгүүд болон  УБ Альянс Тэк ШУТИС Харцага багуудын тоглолтоор үргэлжилнэ.

                                                                                                                                                                             24tsag.mn