“Хулан", ”Шүрэн бугуйвч”, “И-мэйлээр илгээсэн сарнай”, "Ану хатан" зэрэг олон сайхан бүтээлээр нь та бидний сайн мэдэх зохиолч, сэтгүүлч Б.Шүүдэрцэцэг буюу Б.Тогтохбаяр 1971 оны энэ өдөр мэндэлжээ.

Тэрээр энэ баярт өдрийнхөө тухай "Өнөө өглөө нэгэн нас нэмэгдээд сэрлээ. Алаг хорвоод төрүүлсэн аав, ээждээ хайртай! Амьдран жаргаж, алаг хорвоод нас нэмж байгаагийн минь баярыг хуваалцаж буй хайртай хань, анд нөхөддөө бүгдэд нь баярлалаа! Нас нэмэгдэх бүрд хорвоод амьдрах гайхамшигт нэгэн жилийг хайрлаж буй хувь тавилангийн бурхандаа талархаж бай гэж Дээрхийн гэгээнтэн сургасан юм билээ. Амьдралд би хайртай! " хэмээн талархсан сэтгэлээ илэрхийлсэн байна.

Сонирхуулахад түүний зохиолыг нь бичсэн “Ану хатан” түүхэн уран сайхны кино яг жилийн өмнөх энэ өдөр буюу түүний төрсөн өдрөөр нээлтээ хийж байсан билээ.

А.Анар