Залуу зохиолч Ц.Ууганбаярын "Шулмын инээд" номын "Зоорь" аймшгийн өгүүллэгээс сэдэвлэсэн “Зоорь” 3D аймшгийн кино өнөөдөр нээлтээ хийнэ.Киноны ерөнхий найруулагчаар Б.Цогт-Эрдэнэ ажилласан ба гол дүрүүдэд “Нар гарна аа аз жаргал минь”, “Чонын алтан шагай” зэрэг олон ангит кинонуудаар үзэгчдийн танил болсон жүжигчин Ө.Мөнгөнтулга, Д.Мөнхзул, Б.Анхбаяр болон “Хэцүү анги” киноны Сувдын дүрээр үзэгчдийн талархлыг хүлээсэн жүжигчин Э.Уянга нар тоглосон байна. Мөн киноны зургийн даргаар “Хэцүү анги” киноны “Сүнжид багш” буюу жүжигчин М.Саранцэцэг ажиллажээ.
"Зоорь" кинонд шинэ хашаа байшин худалдаж авсан Галсангийн гэр бүлийг махчин аав, охин хоёрын сүнс хэрхэн сүйрүүлж байгааг харуулдаг байна.
Киноны нээлт өнөөдөр 16.00 цагаас Тэнгис кинотеатрт болно.
А.Анар
