Өчигдөр Чингэлтэй дүүргийн 4 дүгээр хороо, Улсын мөрдөн байцаах газрын 2 давхараас утаа гараад байна гэсэн дуудлагын дагуу Аврах, гал унтраах 10 дугаар ангийн 1 дүгээр тасгийг гаргахад цахилгаан хуваарилах самбарт масс үүссэн байсныг аюулгүй болгосон байна. Мөн Баянгол дүүргийн 3 дугаар хороо, Дунд голын задгайд гэр шатаж байна гэсэн дуудлагаар Аврах, гал унтраах 14 дүгээр ангийн тасгийг гаргахад 5 ханатай гэр, эд хогшил шатаж байсныг унтраажээ. Түүнчлэн, Баянзүрх дүүргийн 12 дугаар хороо, Зүүн жанжингийн 23 дугаар гудамжинд байшин шатаж байна гэсэн дуудлагын дагуу Аврах, гал унтраах 63 дугаар ангийн тасгийг гаргахад 3х4 метрийн хэмжээтэй амбаар, "Toyoto ist" загварын автомашины урд хэсэг шатаж байсныг унтраажээ.

Хоногийн хугацаанд гарсан гал түймрийн дуудлагын хувьд байшингийн дээвэр шатсан 2, гэр шатсан 1, авто машин шатсан 2, бусад 2 дуудлага ирсэн. Дүүргээр нь авч үзвэл Баянзүрх дүүрэгт 2, Сонгинохайрхан дүүрэгт 2, Чингэлтэй дүүрэгт 1, Баянгол дүүрэгт 1, Налайх дүүрэгт 1 дуудлага тус тус ирсэн байна.