Тайландын нийслэл Бангкок хотноо Сонирхогчдын бок­сын залуучуудын Ази тивийн аварга шалгаруулах тэм­цээнд оролцож буй манай улсын баг тамирчдаас гурван боксчин хүрэл медалийн бол­зол хангалаа.

Тодруулбал манай боксчдоос 49 кг-ын жинд Д.Мөнх-Эр­дэнэ, 52 кг-ын жинд Э.Цэндбаатар, 56 кг-ын жинд Б.Ми­шээлт нар хүрэл медалийн болзол хангасан юм. Тэд өнөөдөр мөнгөн медалийн төлөө өр­сөл­дөнө.

Энэ сарын 25-нд буюу өнгөрөгч бямба га­рагт эхэлсэн зургаа дахь удаагийн залуучуудын Ази ти­вийн аварга шалгаруулах тэмцээнд нийт 16 орны тамирчид өр­сөл­дөж байгаа бөгөөд тэмцээн маргааш өн­дөр­лөх аж.

Тэмцээнд манай улсаас долоон боксчин өрсөлдсөнөөс дөр­вөн тамирчин ялагдаж, тэмцээнээ өндөрлүүлээд байгаа юм.