МАН-ынхан өчигдөр сар шинийн золголтоо хийсэн сурагтай. Тэрхүү золгуутаас тус намын хамгийн шүтлэгтэй эрхмүүд тодорчээ. Золгуутын эхэнд Гандантэгчинлэн хийдийн лам нар ном хурсан бөгөөд УИХ-ын гишүүн Б.Бат-Эрдэнэ лам нарыг даган уншиж тарнийн мэдлэгээ гайхуулаад авсан байна. Бүр болоогүй хөөрөг, даалингаа хүртэл хурайлаад авсан юм. Харин эрхэм Ерөнхий нарийн бичиг Ж.Мөнхбат ихэд сүжиглэн алгаа хавсран залбирч харагдсан. Тийнхүү  ном хурж байгааг ч мэдэхгүй шахам хоорондоо хөөрөлдөж байсан намынхнаасаа аргагүй энэ хоёр ялгарч намынхаа хамгийн шүтлэгтэй гишүүдээр тодорсон гэнэ.