Дизайнер Катя Зол буюу Г.Золцэцэг олон улсын шилдэг загвар зохион бүтээгчдийн загварыг танилцуулдагаараа алдартай “Mercedes Benz New York fashion week”-т амжилттай оролцлоо.

Тус загварын долоо хоног энэ сарын 5-нд эхэлсэн бөгөөд Катя Золын коллекциуд өчигдөр Нью-Йоркын тайзнаа амилсан юм.

Катя Золтой хамт “Шуранхай” хамтлагийн дуучин Д.Үүрийнтуяа, уран нугараач Э.Лхагва-Очир, загвар өмсөгч Нора, Уранцэцэг, нүүр хувиргагч Э.Эрдэнэсувд болон Hero entertainment, “Матрикс” салон, UBS телевизийнхэн зэрэг 26 хүний бүрэлдэхүүнтэй баг эндээс явсан билээ.

Тэрээр үндэсний загварыг илтгэсэн  гурван коллекциороо тус загварын долоо хоногт оролцсон бөгөөд тэрээр коллекциудаа ноос ноолуур, нэхий, эсгий, сарлагийн хөөвөр, арьсан бүтээгдэхүүнээр урлажээ.

Ингээд түүний “Mercedes Benz New York fashion week”-т оролцсон бүтээлүүдийг танилцуулъя.