Монгол ардын язгуур урлагийг эх орондоо төдийгүй дэлхийд сурталчлан таниулах зорилго бүхий “МОНГОЛ” төслийн тоглолт  гурав дахь жилдээ тайзнаа амилах гэж байна. Монгол Улсын Ерөнхийлөгчийн ивээл дор зохиогдох энэхүү тоглолтын нэр нь “МОНГОЛ-МӨХӨШГҮЙ”.

Төрийн соёрхолт, МУГЖ Д.Сосорбарамын санаачилгаар жил бүр уламжлал болон тоглогдож буй уг тоглолт нь анх язгуур урлагийн таван хамтлагийг нэгтгэн тоглосон бол, өнгөрсөн жил долоон хамтлагийг нэгтгэж байв.

Энэ сарын 21, 22, 23-ны өдрүүдэд болох уг тоглолгонд Д.Сосорбарам гавъяатын урилгаар Алтан ураг, Арга билэг, Алтайн оргил, Домог, Жонон, Их Монгол, Хөсөгтөн, Тэнгэр Аялгуу зэрэг хамтлагууд оролцох бөгөөд ХБНГУ-д 20 жил уран бүтээл туурвисан “ЭГШИГЛЭН” хамтлаг ч тус тоглолтын бас нэгэн хүндтэй зочин болж оролцох юм байна. Тус тоглолтын дууны техникчээр Япон улсын чадварлаг мэргэжилтэн Ишивата Юүскэ уригдан ажиллах аж. Тоглолт МҮЭСТО-нд болно.

Ерөнхийлөгчийнхөө ивээлд багтсан эдгээр 53 авъяаслаг залуусын “Монгол-Мөхөшгүй” тоглолт монгол зон олны омогшил бахархалын нэгэн гайхамшиг болох нь дамжиггүй ээ.

Тоглолтын тасалбарын үнэ суудал харгалзахгүй 50,000 төгрөг юм байна. Тасалбарыг www.easyticket.mn онлайнаар худалдаалах бөгөөд 2014 оны 2 сарын 15 өдрөөс хойш МҮЭСТО-ны кассаар худалдаална.
Дэлгэрэнгүй мэдээллийг 99102207,  99005652 , 89065652  утаснаас лавлана уу.