Сочигийн олимпд улсаа төлөөлөн оролцож буй манай хоёр тамирчны нэг Ч.Отгонцэцэг өнөөдөр уралдлаа. Тэрбээр эмэгтэйчүүдийн гүйлтийн төрөлд өрсөлдсөн бөгөөд замаа амжилттай дуусгаж 70 дугаар байранд орсон байна.
“Алдар” спорт хорооны тамирчин ОУХМ Чинбатын Отгонцэцэг нь 1991 онд Төв аймгийн Борнуур суманд төрсөн айлын отгон охин. Тэрээр багаасаа спортод дуртай хүүхэд байсан бөгөөд 11 дүгээр ангиа төгсөөд цанын спортоор дагнан хичээллэжээ.

Түүний гаргасан амжилтуудыг дурьдвал 2011 оны Азийн өвлийн спортын их наадамд цанын буухиа төрөлд багаараа оролцож хүрэл медаль хүртэж байсан бол мөн ондоо Казахстаны Астана хотноо зохиогдсон Азийн өвлийн наадмын эмэгтэйчүүдийн цанын зүг чиг олох багийн төрөлд хүрэл медаль хүртэж байжээ.