Ховд аймгийн Хар ус нууранд ”Мөнгөлөг шагшуурга” цас мөсний баяр тав дахь жилдээ зохион байгуулагдах гэж байна.

Энэхүү баяр нь байгаль дэлхий, үндэсний өв cоёлоороо бахархах, өвлийн аялал жуулчлал, нийтийн биеийн тамир,спортыг хөгжүүлэх, улмаар Ховд аймгийн гадаад, дотоодын жуулчдыг 2016 гэхэд 5000 хүргэж орон нутгийн эдийн засгийн хөгжилд бодитой хувь нэмэр оруулах арга хэмжээний нэг юм. 

Тус арга хэмжээ энэ сарын 22-23–ны өдрүүдэд Хар-Ус нуурын Төмөрт хэмээх газарт /Шувуу ажиглах цамхаг / болох бөгөөд энэ үеэр аймгийн аварга шалгаруулах тэмцээн уралдаан болж тэшүүр, мөсөн дээрх олс таталт, гүйлт, шагайн харваа, цасны сумо зэрэг олон төрөлт тэмцээн зохиох аж.

Харин Соёл, урлагийн арга хэмжээний хувьд аймаг, сум, байгууллага бүр өөрийн эмблем, логотой, үндэстэн ястны хувцас иж бүрдлээ өмсөж нээлтййн арга хэмжээнд жагсан оролцох /сум бүр 20-с доошгүй иргэд/ бөгөөд орон нутгийн онцлогийг харуулсан урлагийн номер, тоглоом наадгай, нутгийн брэнд бүтээгдэхүүн, угсаатны гаралтай эд өлгийн зүйлээр үзэсгэлэн гаргаж сурталчилдаг байна.

Хэрэв та уг арга хэмжээтэй илүү дэлгэрэнгүй мэдээлэл авахыг хүсвэл  99994614, 99206975, 95050505, 99986667, 99406776 дугаарын утсаар тус тус холбогдох боломжтой юм.