УИХ-ын гишүүн Р.Гончигдоржийн отгон охин Г.Ариунхишиг  Ц.Цолмон гишүүний хүүтэй гэрлэснээр тэд худ ураг барилдсан билээ. Элит гэр бүлийн тоог нэгээр нэмсэн хосууд чамгүй сайн бизнесменүүд гэнэ. Гэргий нь Монголдоо анхдагч Англи сургуулийн захирлын албыг хашиж байгаа бол нөхөр нь барилгын бизнест чамгүй нөлөөтэй нэгэн аж.

МУГЖ дуучин Т.Ариунаа, "Харанга" хамтлагийн дуучин Х.Лхагвасүрэн нар худ ургийн холбоотой. Учир нь
Т.Ариунаагийн үеэл СТА дуучин Оюунбилэг, Х.Лхагвасүрэнгийн дүү “Оранж” рекордсын захирал Х.Лхагвадоржтой гэр бүл болсон юм.

УИХ-ын гишүүн Ө.Энхтүвшин, УИХ-ын Тамгын газрын дарга асан Ц.Шаравдоржтой худ ургууд гэдгийг цөөхөн хүн мэдэх байх. Ө.Энхтүвшингийн хүү нь Ашигт малтмалын хэрэг эрхлэх газарт мэргэжилтэн хийдэг бөгөөд хүү нь аавынхаа араас улс төрд дөрөө харшуулахаар зүтгэж буй. Худ ургууд нэг намынх байсан ч өнгөрсөн сонгуулиар нам нь ялагдсанаар Ц.Шаравдорж МАХН-д орсон билээ.

УИХ-ын гишүүн асан Т.Бадамжунай "Чоно" группын захирал Т.Энхболдсодон болоод түүний ах Т.Энхбаттай нэг нутгийнх бөгөөд худууд аж.  Тиймээс ч Т.Бадамжунай худууд болох Т.Энхболдсодон, Т.Энхбат хоёрыг улс төрийн нөлөө бүхий эрхмүүдтэй танилцуулж бизнесийн хүрээг нь улам тэлсэн гэдэг.

УИХ-ын гишүүн Н.Номтойбаяр, "Хас"-ын Ч.Ганхуяг нар худ ургууд гэдгийг мэдэхгүй хүн байхгүй. Тэднийг хоёул дэд сайд байх үед нь Ч.Ганхуягийн дүү Ч.Ганзориг, Н.Номтойбаярын дүү Н.Цэлмүүн нар гэр бүл болсон бөгөөд  үүнээс үүдэн тэднийг “худ ураг дэдүүд” хэмээн намын нөхөд нь ёжлодог байв.

Зам тээврийн сайд А.Гансүх Ерөнхий сайд асан Сү.Батболд нар баз хүргэчүүл.  С.Батболдын гэргий Х.Отгонтуяагийн эгчийнх нь охин А.Гансүх сайдын гэргий аж. Тиймээс ч А.Гансүх сайдыг Ерөнхий сайд асан базынхаа ачаар өндөр албан тушаалд хүрсэн гэсэн яриа гардаг.

Төрийн соёрхолт дуучин Д.Болд, Эба нарыг уран нугараач эгч дүүстэй ханилсан гэдгийг хүн бүхэн мэдэх байх. Тэдний эхнэрүүдийн үеэл нь реппер Qiuza гэргий аж.