Өнгөрсөн оноос эхэлсэн Украйны бослого, тэмцэл одоог хүртэл үргэлжилсээр байна.  2004 онд болж байсан Жүржийн хувьсгалтай төстэй гэж хэлж болохуйц уг томоохон эсэргүүцлийн улмаас нийт 25 хүн амь насаа алджээ. Энэ тэмцэлд 100 мянга гаруй хүн оролцож байгаа бөгөөд тэд Засгийн газрынхаа эсрэг ийнхүү жагсаж байгаа юм. Харин Засгийн газар босогчдын өмнөөс аль хэдийн босч эхэлсэн билээ.

 Тэгвэл тус улсын твиттерчид саяхнаас улсынхаа Ерөнхийлөгч Владимир Януковичийг Чингис хаан, Адольф Гитлертэй зүйрлэх болжээ. Учир нь 1240 онд Чингис хааны үр ач нар болох монголчууд Киев хотыг галдан шатааж байсан түүхтэй. Харин Германы удирдагч Адольф Гитлер 1941 онд мөн тус хотыг галдан шатааж байсан аж. Гэтэл 2014 онд тус улсын ерөнхийлөгч нь өөрөө эх орноо галдан шатааж байна гэсэн хатуу шүүмжлэлийг твиттерээр дамжуулан өрнүүлж байгаа нь энэ юм байна.