Монголын боксын холбооны Удирдах зөвлөл хуралдаж ерөнхий дасгалжуулагчаар ардын багш, гавьяат дасгалжуулагч Д.Бандийг томиллоо.

Өмнө нь энэ албыг гавьяат дасгалжуулагч Д.Ганзориг хашиж байсан юм. Мөн ахлах дасгалжуулагчаар ОУХМ Д.Батсүрэнг томилох гэж буй тухай эх сурвалж мэдээллээ.

Тэд 2008 оны Бээжингийн олимпод баг ахалж явсан туршлагатай дасгалжуулагчид юм.

Ерөнхий дасгалжуулагч Д.Банди өчигдөр өглөө боксын холбооны эрэгтэй, эмэгтэй залуучуудын 70 хүний өргөн бүрэлдэхүүнтэй шигшээ багийг ахлан Орхон аймгийн “Олимп” баазад 40 хоногийн хугацаатай бэлтгэлд гарчээ.