Монгол цэргийн өдөр, Зэвсэгт хүчний 93 жилийн ойн баярыг тохиолдуулан эх орны сэдэвт яруу найргийн өв санг баяжуулах, цэрэг дайчид, ард иргэд, хүүхэд залуусыг эх орон, тусгаар тогтнол, түүх соёлоороо бахархах сэтгэлийг төрүүлэх үүднээс “Эх орны цэрэг-2014” яруу найргийн наадмыг зохион байгуулахаар болжээ.

Энэхүү наадамд оролцох уран бүтээлчдийг ирэх сарын 10-н хүртэл ЦДБЭЧ-ын байранд бүртгэх юм байна. Наадам оролцох уран бүтээлчид шинэ бүтээлээ үзэгчдэд толилуулах шаардлагыг тавьж байгаа гэнэ.

Уралдаанд бүх насны Монгол Улсын иргэн оролцож болох ба сүүлийн шатны шалгаруулалт гуравдугаар сарын 12-нд Батлан хамгаалахын их сургууль дээр зохион байгуулагдана.

Тэргүүн байранд шалгарсан яруу найрагч өргөмжлөл 800 мянган төгрөг дурсгалын цомоор мялаалгах бол дэд, гутгаар болон шагналт байр эзэлсэн найрагчдыг өргөмжлөл мөнгөн шагналаар урамшуулах юм байна.