Хайртай хосуудыг салгах гээгүй шүү. Энэ нийтлэлийг найз залуугаа өрөвдөөд салж чадахгүй байгаа эсвэл өөрөөс чинь салж өгдөггүй “нойтон хамуу” шиг нөхдийг явуулахын тулд л бичсэн юм. Үр дүнд нь тэр чамайг өөрийг нь гомдоосон, хаясан биш харин “Зүгээр л тохироогүй” учраас салсан гэж бодож үлдэнэ. Хорвоо зөв хүнийг олсон цагт илүү уянгатай болдог шүү дээ.Хэрэгжүүлэхэд тийм амар биш ч гэлээ хэдэн жилийг хайргүй хүнтэйгээ хамт өнгөрүүлэхийн оронд 10 хоног өөрөөсөө “өөр” байхыг сонгож байгаа бүсгүйд л цааш уншихыг зөвшөөрье. Өөрөөр хэлбэр шуудхан “Салъя” гэж хэлэх боломжгүй, чадахгүй байгаа хүмүүст гэсэн үг.

• Эхний алхам: Үсээ Б-Ү-Ү хус
Түүнтэй хамт амралтын өдрүүдийг өнгөрүүлэхдээ усанд бүү ор. Биеийн хэсгүүд дэх үсээ ч гэсэн хусахгүйгээр тэвч. Ургуулаад л бай.

• Хоёр дах алхам: “Эмээ” дотуур хувцас өмс

Өөрт чинь байхгүй бол шинийг худалдаж ав. Хамгийн том, хамгийн тод, уужим зайтай хэд хэдийг сонгоод үргэлж өмсөөд бай. Түүнийг асуувал “Ойрд харин бүр иймийг өмсмөөр санагдаад” гэж хэлээрэй. Чамайг бага байхад эмээ чинь их халуухан харагддаг байсан тухай үнэн сэтгэлээсээ ярьвал бүр ч янзтай.

• Гурав дах алхам: Түүнээс өөрт нь яагаад хайртай тухай өдөрт 100 удаа асуу

Одооноос түүнийг “Би чамд хайртай” гэж хэлэх болгонд нь “Яагаад?” гэж асуу. Мөн “Намайг итгүүлэх үнэмшилтэй шалтгаан хэлээрэй хайраа, кк” гэх ёстой шүү. Хэрвээ тэр амархан даваад байвал давтамжаа ихэсгэ. Өдөрт 100 байсан ч болно.

• Дөрөв дэх алхам: Хүүхдийг хүүхэлдэйгээр орлуулж бэлтгэл хий

Хүүхэдтэй болохын тулд яаравчлан бэлтгэлээ хийх хэрэгтэй. Хүүхэлдэйнээс эхэлцгээе. Дэлгүүрээс жижигхэн хүүхэлдэй авчраад түүнд памперс өмсүүлэх, хөхүүлэх, бие засуулах гэх мэтээр жинхнээсээ хүүхэдтэй нөхцөлд юу юу хийдэг вэ тэр бүгдийг хий. Хэрвээ тэр оролцохгүй байвал хүссэнээрээ уйлж, гомдоллож “Чи хүүхэддээ ийм хайргүй” гэж орилж болно.

• Тав дах алхам: Хоолоо орондоо ид. Үргэлж!

Ялангуяа чанасан мах, том том төмс, луувантай бол бүр сайн. Хутга гаргаж ирээд огтолсон ч болно. Чи түүнээс салахыг хүсч байгаа биз дээ?

• Зургаа дах алхам: Хуучин хайртуудынхаа timeline хийх

Түүнийг ажлаасаа ирэхэд нь ханан дахь шинэхэн бүтээлээ танилцуул. Хуучин найз залуусынхаа /биш байсан ч болно/, ямартай ч таваас дээш эрэгтэй хүний зургийг гоёмсгоор өлгөөрэй. Сүүлийн хоосон байр хэнд зориулагдсан юм бэ гэвэл түүн рүү хайр дүүрэн харцаар инээмсэглээд “Чамдаа шүү дээ. Өөр хэнд байх юм бэ, хонгор минь?” гэж хариул.

• Долоо дах алхам: Өглөө сэрэхэд нь дуу дуулж өг

Тэр ямар төрлийн хөгжимд хамгийн дургүй вэ? Түүнийг нь өглөө болгон сонсго. Өргөн өмд өмсөж, шил зүүгээд “Намайг дагаад цэнгэ” эсвэл “Нүцгэн байхыг минь битгий хараарай” гээд чиний сонголт юу ч байж болно. Чин сэтгэлээсээ, хичээл зүтгэлтэйгээр өглөө бүр давтаад байвал тэр чин үнэнээсээ залхаж л таараа.

• Найм дах алхам: Ажил дээр нь очоод “Би яг одоо секс хүсч байна” гэж шавдуул

Гэнэт сексийн хачин их дур хүсэлтэй бол. Ажил дээр нь ч оч. Гэрт нь байхад ч хэл. Бүр ариун цэврийн өрөөнд байхад нь хүртэл гадна нь зогсоод “Би чамайгаа хүсээд л байна. Бүх байрлалаар яг одоо хиймээр байна” гэж маш сонин хоолойгоор хэл.

• Ес дэх алхам: Түүнийх рүү нүү

Хаалгыг нь тогшоод “Сюрприз” гээд хоёр гартаа том цүнхтэй яваад ор. “Гэрийнхэнтэйгээ муудалцсан учир нэг хэсэгтээ энд байх хэрэгтэй байна. Чамайг надад ямар их хайртайг мэднэ ээ, Өнхрүүшээ” гэж эвтэйхэн тайлбарлаарай.

• Арав дах алхам: Зогсолтгүй хард

Түүн рүү 30 минут тутамд залга. Тэгээд “Чи минь ирэх болж байна уу?” гэж наалинхай хоолойгоор асуу. Ийм байдлаар зөвхөн ганц хоногийг л өнгөрөөх хэрэгтэй бөгөөд дараачийн үеэс нь хагас цаг бүрт залгахдаа хардаж эхлэ. “Би чамайг энд хүлээгээд хэдэн цаг боллоо. Хааччих ваа, чи?” гэх мэтээр. Уг нь чи түүний гэрт байгаа шүү дээ.

Уншиж дууссаныхаа дараа хоёр алгаа үрэн, “ажиллагаа”-ндаа орж эхлэхээсээ өмнө эдгээр нь үнэхээр чиний найз залуу, та хоёрынх шиг төрлийн харилцаанд тохирох аргууд мөн үү гэдгийг сайн бодоорой. Ийм байдлаар 10 хоноход тэр өөрөө хоёр тийш болохыг санал болгоно гэдэгт итгэлтэй байна. Харин түүнээс ч богино хугацаанд салахыг хүсвэл сайн л биз. Бид амжилттай “ажилласан” гэсэн үг биз дээ? “Одоо дуусаа” гэж хэлэх үед нь ч гэсэн өөрийнхөө одоог хүртэл гаргасан “ядаргаатай найз охин”-ы дүрээ хадгалахаа мартав аа.