Тайландад хоёр ч удаа хагалгаа хийлгэж, жинхэнэ утгаараа эмэгтэй хүн болоод байгаа Гамбууш буюу Н.Ган-Од Солонгос улсад фотомодель болжээ.

Тэрээр Солонгосын “WONJIN BEAUTY MEDICAL GROUP”–ээс дэлхийн өнцөг булан бүрт амьдардаг 300 орчим хүмүүсийн дунд зарласан фотомоделийн шалгаруулалтад эцсийн шатанд шалгарч шилдэг зургаан оролцогчийн нэгээр тодорчээ.

Уг шалгаруулалт Сөүл хотноо 14 хоног үргэлжилсэн бөгөөд тачаангуй төрх, хөл, биеийн ерөнхий харьцаа болон өөрийгөө илэрхийлэх ярианы чадвар зэрэг үзүүлэлтээр шалгаруулсан гэнэ.

Шилдэг оролцогчоор шалгарсан Н.Ган-Од хатагтайн нүүрэнд одоогоор гоо сайхны таван төрлийн мэс засал хийгээд байгаа бөгөөд энэ бүх хагалгаа түүнд үнэгүй хийгдэж байгаа юм. Ингэснээр Ганбууш “WONJIN BEAUTY MEDICAL GROUP”-ийн нүүр царай болж байгаа гэнэ. Одоогоор Н.Ган-Од хатагтай шинэ төрхөө хүлээн Солонгосын баячуудын хороолол гэгддэг Ганнам дүүрэгт жинхэнэ одын амьдралаар амьдарч байгаа сурагтай. Сонирхуулахад тэрбээр ирэх тавдугаар сард эх орондоо ирэх бөгөөд түүний шинэхэн төрхийг тун удахгүй харах нь.