24tsag.mn сайт Олон улсын эмэгтэйчүүдийн эрхийг хамгаалах өдрийг тохиолдуулан цахим ертөнцөд хамгийн алдартай 24 бүсгүйг нэрлэж байна. Бид бүсгүйчүүдийг ийнхүү нэрлэхдээ алдар цуу, нэр хүндээр нь бус цахим ертөнцөөр сайн, муу алинаар нь ч хамгийн олон удаа бичигдсэн болон бичсэн нийтлэл хэлсэн үг нь хамгийн олон хүнд хүрсэн зэрэг энгийн шалгууруудаар сонгосон болно. Ингээд Монголын цахим ертөнцөд алдаршсан 24 бүсгүйг танилцуулъя.

Төрсөн охиноо харь хүнд алдчихлаа хэмээн нүдэндээ нулимстай ярьж байсан Т.Аятунгаа бүсгүй одоо ч шар сайтуудын анхаарлын төвд байсаар л байна. Ямар сайндаа түүний шоудсан эсвэл найз залуутай болсон талаарх мэдээ мэдээлэл олон гарч байхав.

Асашёорюү аваргын хайрыг татсан гэгдээд буй А.Урангоо бүсгүйг твиттер цахим сүлжээгээр мэдэхгүй хүн үгүй. Араасаа 14 мянга гаруй жиргээчийг дагуулж чадсан, чамгүй боловсролтой энэ бүсгүй гадаад улс оронд сурч төгссөн залуучуудаа эх орондоо ирж ажиллахыг уриалдаг ухаалаг нэгэн гэнэ.

"Хэцүү анги" киногоороо олонд танигдсан СТА жүжигчин А.Ганчимэг мөн л фэйсбүүк цахим хуудасны идэвхтэй хэрэглэгч. Хамгийн сүүлд тэрээр өөрийн page хуудсыг нээж олон мянган like цуглуулжээ.

Нийтлэлч З.Боргилмаагийн бичсэн нийтлэлүүд цахим ертөнцөөр хамгийн олон хүнд хүрсэн юм.

Үрийн зулай үнэрлээд удаагүй байгаа "хөөрхөн" О.Дөлгөөн фэйсбүүк хуудасны идэвхтэй хэрэглэгч төдийгүй  сайтуудаар хамгийн их бичигдсэн хүмүүсийн нэг.

"Гэж мэгээл", "hot", "sexy" гэх зэрэг үгсийг хэсэгтээ л од болгож чадсан энэ охин нэг өглөө сэрээд л цахим ертөнцийнхний танил болчихсон гэхэд болно. Түүний нэгэн найздаа илгээхээр бичсэн бичлэг нь фэйсбүүк сүлжээгээр тарсанаас энэ хэрэг мандсан бөгөөд Эмили Минаж гэх нэрээрээ танигдсан түүний бичлэг дээрх үгс электро хөгжимийн remix болсон юм.

Жүжигчин Тамираагийн анхны гэргий гэдгээр та бидний сайн мэдэх жүжигчин Золзаяа мөн л цахим ертөнцөөр шуугиан таригчдын нэг. Тэрээр хэд хэдэн эртэй хөтлөлцсөн, бааранд зодоон хийсэн гээд л факт олонтой бүсгүй.

Завтайгаараа зартай Э.Баянсэлэнгэ гишүүний хоч бол Candy. Тэрээр УИХ-ын чуулганы үеэр Candy Grash тоглож байгаад сэтгүүлчдийн дуранд өртөж энэ сайхан хочны эзэн болсон билээ.

 Хүссэн ч эс хүссэн ч энэхүү жагсаалтад заавал орох ёстой "эмэгтэй" бол Ганбууш мөнөөсөө мөн. Тэрээр төгс эмэгтэй хүн болох мөрөөдөлдөө хүрээд удаагүй байгаа бөгөөд хамгийн сүүлд БНСУ-д гоо сайхны мэс засалд орсон сурагтай.

Дуучин Ч.Цэлмүүн өхөөрдөм үрийнхээ хамтаар цахим ертөнцөд алдартай. Саяхан түүний хүү нэг нас хүрч дуучин бүсгүй ч үүнийг нь цахим хуудсандаа нийтлэхээ мартсангүй.

Мисс Э.Сэлэнгэ  энэхүү жагсаалтад зүй ёсоор бичигдэх хүмүүсийн нэг. Тэрээр сүүлийн үед нүцгэлэхээс авахуулаад хараал ерөөлтэй бичлэг гээд олон шуугиан дэгдээгээд байгаа юм. Анх 13 настайгаасаа загвар өмсч эхэлсэн мисс бүсгүй 2006 онд улсаа төлөөлөн Дэлхийн миссийн тэмцээнд оролцож байсан билээ.

Б.Тэмүлүн гэх энэ бүсгүйг хүмүүс Sweetkitchen группээр нь андахгүй. Бялуу, хоол зууш хийх дуртай бүсгүйчүүдийн хамгийн том нэгдэл гэж болохоор энэхүү групп өдөр ирэх тусам хүрээгээ тэлсээр л байна.

Уран зохиолын хичээлийг хасах тухай яриа дэгдээсэн Б.Насанбаяр хэдхэн өдрийн дотор цахим ертөнцийн сенсацийн эзэн болсон. БШУЯ-ны Стратеги бодлого төлөвлөлтийн газрын дарга энэ бүсгүй Мүүний шашин шүтдэг гэж хэсэгтээ л ад үзэгдээд авсан юм.

СТА жүжигчин Г.Ундармаа саараасаа илүүтэй сайнаараа бичигддэг авхаалжтай бас хүнлэг бүсгүй. Түүний хэрэгжүүлж буй "Итгэлийн танхим" төсөлд олон хүн ам сайтай байгаа бөгөөд тэрээр энэ удаа ЭХЭМҮТ-ын хүлээлгийн танхимыг засч тохижуулахаар сэтгэл шулууджээ.

Мисс бүсгүйчүүд дуулиан шуугианд өртөхдөө амархан. Үүний нэгэн адил мисс Б.Бадамцэцэг ч цахим ертөнцийнхний анхаарлаас холуур өнгөрөөгүй юм.

Хээгүй, бас авъяаслагаараа гайхагддаг жүжигчин Б.Навчаа энэхүү жагсаалтад заавал бичигдэх хүмүүсийн нэг. Түүний хувийн амьдралаас авахуулаад бүтээсэн дүрүүд нь хүртэл цахим ертөнцөд сонихон хэвээр.

 "Монгол тулгатны 100 эрхэм” нэвтрүүлгийн хөтлөгч П.Анужин бол ТВ-ийн ч, цахим ертөнцийн ч алдартнуудын нэг. МАН-ын Удирдах зөвлөлийн гишүүн энэ бүсгүй 13 мянга гаруй дагагчтай авъяаслаг жиргээч юм.

Дээр хэлсэнчлэн хэлсэн үг, бичсэн зүйл нь хамгийн олон хүнд хүрдэг гэсэн шалгуурыг 100 хувь давах бүсгүй бол сэтгүүлч Б.Ганчимэг. Дажгүй сайн жиргэчихдэг энэ бүсгүйг сэтгүүлзүйн тогооныхон "Ярилцлагын хатан хаан" хэмээн өргөмжилдөг юм билээ.

Дуучин Ану буюу Б.Уранхолбоогийн фэйсбүүк page хуудас түүний гоё сайхан зургуудаар байнга шинэчлэгдэж байдаг. Хүмүүс түүнийг тун нууцлагаар жирэмслээд төрчихсөнийг одоо ч гайхдаг бөгөөд түүний жирэмсэн үеийн зураг нэг ч байдаггүй юм.