Эмэгтэйчүүдийн баяраар хаана, ямар тоглолт арга хэмжээ болох вэ?

2014-3-07

Гуравхан хоногийн дараа Олон улсын эмэгтэйчүүдийн эрхийг хамгаалах өдөр буюу та бидний тэмдэглэж заншсанаар эмэгтэйчүүдийн баяр болно. Жилээс жилд хүрээгээ тэлсээр байгаа бүсгүйчүүдийн баяр энэ жил ч өргөн дэлгэр болох бололтой. Ингээд 24tsag.mn сайт та бүхэнд энэхүү баярын өдөрт зориулсан урлаг соёлын арга хэмжээнүүдийг түүвэрлэн хүргэж байна.

Уламжлалт "Миний ээж хөөрхөн"

Уламжлал болсон "Миний ээж хөөрхөн" тоглолт "UB PALACE"-ын концертын их танхимд, энэ сарын 9,10-ны өдрүүдэд 19 цагаас тоглогдоно.

705f7ac9d7a9f5a2original7192292022014-03-05-10-05www.urlag.mn

Тоглолтод дуучин Батсүх, Энхзул, Чулуунхүү, Вандан, Дуламсүрэн, Эрдэнэцэцэг, Сийлэгмаа, Түвшинтөгс, Бат-Эрдэнэ, Бямбажав, Намсрайноров, Төрмандах, Чулуунбаатар, Энхмэнд, Энх-Эрдэнэ нарын олон шилдэг уран бүтээлчид оролцоно. Тасалбарыг UB Palace-ийн кассаар болон, 1905 үнэгүй хүргэнэ.

А.Долгор “Зүйрлэшгүй сайхан”-ыг мэдрүүлнэ

Ардын жүжигчин, дуучин А.Долгор энэ сарын 8-нд 16.00 цагаас СТӨ-нд “Зүйрлэшгүй сайхан” нэртэй уран бүтээлийн тайлан тоглолтоо хийнэ.

Эмэгтэйчүүдийн баярт зориулсан энэхүү тоглолтондоо тэрбээр эх, үрийн элбэрэл хайр, эх орны сэдэвтэй дуунуудаа дуулах гэнэ. Тоглолтод Төв аймгаас төрсөн ардын жүжигчний нутгийн ардын уран зохиолчид болох Ш.Сүрэнжав, П.Бадарч, Б.Лхагвасүрэн, Ш.Дулмаа нар найраг шүлгийн дээжээсээ сорчлон хүргэж, нутгийн дуучныхаа тоглолтод ирсэн зочдын сонорыг уран үгсээр мялаахаар төлөвлөжээ. Мөн гавьяат жүжигчин, дуучин Б.Сарантуяатай хамтарсан “Эх дэлхий бидний ээж”, ДБЭТ-ын дуучин Ариунбаатартай “Эх дэлхий бидний ээж”, дуучин Т.Дэлгэрмөрөнтэй “Сэтгэлд мөнхөрсөн ээж” зэрэг дуугаа хүргэх юм байна.

Улсын филармони: "Энхрийхэн чамдаа"

Oлон улсын эмэгтэйчүүдийн баярын өдрийг тохиолдуулан Улсын филармоний уран бүтээлчид “Энхрийхэн чамдаа” хэмээх тоглолтоо энэ сарын 8-ны 19:00 цагаас Филармонийн концертийн танхимд тоглох гэж байна.

Тоглолтонд “Voice Group”, “Шуранхай” хамтлаг болон тус филармонийн гоцлол дуучид болох Ц.Хулан СТА, Наагий, Т.Амина, Л.Насанбуян нар оролцоно.

Г.Эрдэнэбат “Орчлонгийн сайхан хүүхнүүд 20 жил"

Орчлонгийн сайхан хүүхнүүдийг магтан дуулсаар 20 дахь жилтэйгээ золгож буй МУГЖ Г.Эрдэнэбатын “Орчлонгийн сайхан хүүхнүүд” тоглолтоо энэ сарын 9-нд 16:00 цагт СТӨ-нд ганцхан удаа тоглохоор болжээ.

Тус тоглолтонд МУАЖ А.Долгор, МУГЖ Д.Жаргалсайхан, МУГЖ Ц.Төвшинтөгс, МУГЖ Ө.Уяанга, МУСТА С.Сэрчмаа, ЦДБЭЧ-ын эстрад симфони оркестр, Хөгжим Бүжгийн Коллежийн симфони оркестр, Монгол поп опера “Увертюра” хамтлаг нар урилгаар оролцож МУГЖ Г.Эрдэнэбаттай хоршин орчлонгийн сайхан хүүхнүүдийг магтан дуулах нь. Тоглолтын тасалбарыг 19-50 дугаарт захиалан үнэгүй хүргүүлээрэй.

“Анхны үнсэлт” мюзикл

“Ах дүү Гримм”-ийн зохиолоос сэдэвлэн бүтээж буй “Анхны үнсэлт” мюзикл энэ сарын 7, 8, 9-нд 19:00 цагаас Нийслэлийн Улаанбаатар чуулгын тайзнаа амилна.

Жүжгийн гол дүрүүдэд МУСТА, Буриад Улсын Гавъяат Жүжигчин Б.Амархүү, дуучин М.Сонор нар тоглож байгаа бол дүрүүдэд МУСТА Д.Баасанжав, Д.Алтансүх, Г.Батдорж, Ч.Доржсүрэн, А.Азжаргал, И.Хангай, Э.Цэгмид, Ч.Дорж, Ц.Гансүх, Ж.Буянтогтох, Т.Оюунболд нарын уран бүтээлчид оролцож байгаа аж. Сонирхуулахад уг мюзикл 100% амьдаар тоглогдох бөгөөд тайз нь дээр амьд хөгжмийн хамтлаг мюзиклын хөгжмийг амьдаар тоглож, дуучид уран бүтээлчид жинхэнэ амьд тоглолтын гайхимшгийг үзэгчдэд мэдрүүлэх гэнэ.

“BEST OF HARANGA” V.I.P тоглолт

Монголын рок попын загалмайлсан эцэг гэгддэг "Харанга" хамтлаг эмэгтэйчүүдийн баяраар буюу маргааш 19.00 цагаас “BEST OF HARANGA” V.I.P тоглолтоо "Blue sky tower"-ийн “Vegas Club”-т хийхээр болжээ.

"Мax music" клубын "Happy womans party"

Улаанбаатар хотын хамгийн цэвэр дуугаралттай Мax music club MCS Tiger-тай хамтран бүсгүйчүүдээ баярлуулахаар болжээ.

Д.Болдын "Unplugged Best Hits"

Төрийн соёрхолт дуучин Д.Болд бүсгүйчүүддээ зориулж "Unplugged Best Hits" тоглолтоо энэ сарын 8-нд 20.00 цагаас "Centro Music Club"-т хийхээр болжээ.

Тоглолт хоёр үе шаттай бөгөөд эхний үед Д.Болдын амьд тоглолт эгшиглэх бол хоёр дахь үед DJ Uuree, Bataa, Rush, Tulga, PJ, Bataa, Zокsy нарын электро хөгжмийн сетүүд ирсэн зочдыг доргиох гэнэ.

Хар сарнай хамтлагийн “Rose night” V.I.P тоглолт

Хурц шийдэл, сонин содон имижээр фенүүдийнхээ цөсийг хөөргөдөг "Хар сарнай" хамтлагийнхан сүүлийн жилүүдэд нам жим байгаа ч тун удахгүй буюу энэ сарын 8-нд бүсгүйчүүдэд зориулан “Rose night” V.I.P тоглолтоо хийхээр төлөвлөжээ.

Хүүхдийн урлан бүтээх төв, “Metromall”-ын урд байрлах “Хаан гэр” рестораны хоёрдугаар давхарт “Salm Brau pub”-д “Хар сарнай” хамтлагийнхан бут авах нь ээ. Сарнайн үдэшт саатсан цөөн үзэгчдэд л тэд амьд хөгжмийн хамтлагийн хамт хит уран бүтээлээ толиулан хуучны дурсамжаар тань аялуулах юм байна. Тоглолтын тасалбар 100 мянган төгрөг гэсэн шүү.

Т.Дэлгэрмөрөн “Гэрэлт үзэсгэлэн гоо”

СТА дуучин Т.Дэлгэрмөрөн “Гэрэлт үзэсгэлэн гоо” хүндэтгэлийн тоглолтоо энэ сарын 8-нд “SS CLUB”-т 19.00 цагаас ганцхан удаа хийнэ.

Ээжүүд эмэгтэйчүүдээ магтан дуулсан олон сайхан уран бүтээлүүдээ эгшиглэх энэхүү цэнгүүнд МУ-ын Ардын жүжигчин А.Долгор, МУГЖ Т.Ариунаа, МУГЖ Э.Бүрнээбаяр, МУГЖ Т.Баясгалан, Азийн ятгын хатан хаан МУСТА Ч.Мөнх-Эрдэнэ, МУ-ын Морин хуурын чуулга, ҮДБЭЧ-ийн 9-н хатад, Яруу найрагч Ц.Хулан, Улсын Филармоны Баянмонгол чуулгаболон бүжгийн Улаансарнай хамтлаг оролцох юм. Тоглолтын тасалбар 80 мянган төгрөг.

Чойжоо "Мянга нэгэн цэцэгс"

Дуучин Чойжоо өнөөдөр 20.00 цагаас "Мянга нэгэн цэцэгс" VIP концертоо Corporate зочид буудалын 16-н давхарт The View lounge-д хийхээр болсон байна.

Украин DJ Mary Hot

Galaxy events-ээс зохион байгуулж буй "International lady party" энэ сарын 8-нд iloft function house-т болно. Энэ шоунд Украины DJ Mary hot уригдан ирж байгаараа онцлогтой аж.

Таксын хувьд эмэгтэйчүүд 10 мянган төгрөг бол эрчүүд 20 мянга гэнэ шүү.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.