Гэрийн эзэгтэй нарт Үзбек үндэсний хоол самса хийх жорыг хүргэж байна.

Орц

гурилны зуурмагт:

1.гурил -4стакан
2.өндөг -1ш
4.бүлээн ус - 1стакан
5.давс - 0,5 амны жижиг халбага
6.масло - 100гр

шанзанд:

1.хонины мах
2.хонины сүүл
3.сонгино
4.давс,перец гэх мэт дуртай амтлагчуудаа хийх

Шанз бэлтгэх:

-Хонины мах, сүүлээ жижиг шоо дөрвөлжин хэрчинэ.
-Сонгино болон бусад амтлагчуудаа махан дээрээ хийж холино.

Зуурмаг бэлтгэх:

-Бүлээн усандаа өндөгөө хагалан хийж хутгана.
-Маслаа хөргөгчнөөсөө шууд аван том үрэгчээр үрж өндөгтэй усандаа хийнэ.
-Гурилаа шигшин давстайгаа холиод өндөг маслотай усандаа хийн зуурна.
-Зуурсан зуурмаг маань нилээн шингэвтэр байна.
-Зуурмагаа амраана.
-Гурван тэнцүү хуваана.

Хийх аргачлал:

-Гурилаа 1мм орчим зузаантай элдэнэ.
-Элдсэн гуриландаа масло хайлуулаад түрхэнэ.
-Элдэж тосолсон гурилаа давхарлана.
-Давхарласан гурилаа хуйлна.
-1,5см зузаантай таслан хуваана.
-Буузны гурил шиг элдэнэ. Гол нь зузаан захаараа нимгэн элдэх хэрэгтэй.
-Голд нь амны том халбагаар 1 удаа татаж бэлдсэн махнаасаа хийнэ.
-Гурвалжин хэлбэртэйгээр чимхэнэ.
-Шөл нь гоожихоос болгоомжилж сайн чимхэж өгөх хэрэгтэй.

Эцэст нь листээ тослоод чимхсэн талаар нь тавина. Хооронд нь зайтай өрөх хэрэгтэй. 200-220 градус хүртэл халаасан зууханд 40 орчим минут жигнэж болгоно. Хуушуур шиг боловч гурил нь олон давхраат байна.

Дашрамд дуулгахад самсаг өөхтэй хонины махаар хийхэд тохиромжтой байдаг гэнэ.

Эх сурвалж: Sweetkitchen.mn