“Сочи-2014” XI өвлийн паралимпд эх орноо төлөөлөн оролцож буй Б.Ганболд өнөөдөр эрэгтэйчүүдийн сонгомол техникийн 20 км-ын зайд уралдаж 14 дүгээрт барианд орлоо.

Тэмцээнд 12 улсын 20 тамирчин оролцсон бөгөөд манай тамирчин 1:04:01 цагийн амжилт үзүүлсэн байна.

Энэ зайд ОХУ-ын Рушан Миннегулов 50:55.1 минутын амжилтаар алтан медаль хүртсэн бол Финландын Илка Томисто /51:31.5/, ОХУ-ын Владислав Лекомцев /51:44.6/ мөнгө, хүрэл медалийн эзэн болжээ.

Манай тамирчин дахин хоёр зайд уралдана. Тодруулбал энэ сарын 12-нд ойрын зайн 1000 м, 16-нд дундын зай 10 км-т өрсөлдөх аж.