Хөвсгөл аймагт болсон  “Гэр бүл нийгмийн амьдралд эмэгтэйчүүдийн оролцоо”,“Орчлонгийн сайхан бурхан ижий” сэдэвт эмэгтэйчүүдийн зөвлөгөөнд Аймгийн прокурор А.Аварзэд оролцож “Гэр бүлийн хүчирхийллээс урьдчилан сэргийлье” , “Эмэгтэйчүүдээс үйлдэж буй гэмт хэрэг зөрчлийн шалтгаан нөхцөл, урьдчилан сэргийлэх нь” сэдвээр илтгэл тавьж хэлэлцүүлсэн байна.

Тус аймгийн хэмжээнд гэр бүлийн хүчирхийлэлтэй холбоотой хэрэг 2013 онд 25 удаа гарч эрүүгийн хэрэг үүсгэн шалгагдсан бөгөөд Эрүүгийн хуулийн  99 дүгээр зүйлийн 99.1 /бусдын бие мах бодид хөнгөн гэмтэл санаатай учруулсан/ гэмт хэрэг 18, Эрүүгийн хуулийн 98 дугаар зүйлийн 98.1 дэх хэсэгт заасан /бусдын биед хүндэвтэр гэмтэл санаатай  учруулсан/ гэмт хэрэг 1, Эрүүгийн хуулийн 96 дугаар зүйлийн 96.1-д заасан /бусдын биед санаатай хүнд гэмтэл учруулсан / гэмт хэрэг 2,  Эрүүгийн хуулийн 91 дүгээр зүйлийн 91.2.12 дахь хэсэгт заасан /хүнийг онц харгис хэрцгий аргаар алсан/ гэмт хэрэг 1, Эрүүгийн хуулийн 100 дугаар зүйлийн 100.1 /тарчлаасан/ Эрүүгийн хуулийн 109 дүгээр зүйлийн 109.2.5 дахь хэсэгт заасан /насанд хүрээгүй хүнийг хууль бусаар хорьсон/ гэмт хэрэг 1, Эрүүгийн хуулийн 126 дугаар зүйлийн 126.2.4 дэх хэсэгт заасан /Насанд хүрээгүй дагавар охиноо удаа дараа хүчиндсэн/ гэмт хэрэг  2   гарсан байна.

Зөвлөгөөнд 300 гаруй эмэгтэйчүүд оролцсон бөгөөд нийт оролцогч, эмэгтэйчүүдээс  гэр бүлийн хүчирхийллээс урьдчилан сэргийлэх төвтэй болох, сэтгэл зүйн зөвлөгөө өгдөг мэргэжлийн хүн ажиллуулах, залуучуудыг гэр бүлийн асуудлаар сургах, хүмүүжүүлэх шаардлагатай байгаа талаар санал хүсэлт гаргаж зөвлөгөөн цаг үеэ олсон ажил болсныг сайшаасан байна.