Урт удаан хугацаанд намын өмчлөлд ашиглагдсаар ирсэн В.И.Лениний музейг Үлэг гүрвэлийн музей болгон ашиглахын тулд шүүхийн шатанд хэргийг хэлэлцсээр байсан.

          Улмаар Улсын Дээд шүүхийн хяналтын шатны иргэний хэргийн шүүх хуралдаанаас  тус музейн барилгыг төрийн өмч болохыг тогтоосон юм. Гэвч МАН-аас энэ шийдвэрийг үндэслэлгүй болсон гэж үзэж Дээд шүүхийн Ерөнхий шүүгчид ханджээ.

Харин Улсын дээд шүүхийн Ерөнхий шүүгч Ц.Зориг хэргийг хянаад Дээд шүүхийн тогтоол хууль зөрчөөгүй, үндэслэлтэй байна гэж үзэж дүгнэлт бичихгүй гэдэг хариугаа өчигдөр өгчээ.