Дизайнер Ариунаа Сүри дэлхийн таван том загварын долоо хоногийн нэгээр тооцогддог “Mercedes Benz Fashion Week Tokyo” шоунд оролцохоор болсон тухай бид өмнө мэдээлсэн.

Тэгвэл тэрээр энэхүү загварын долоо хоногт оролцох өөрийн багаа бүрдүүлсэн байна.

Түүнтэй хамт 20 гаруй хүн Япон  улсыг зорих гэж байгаа бөгөөд тэдгээрт дизайнер Э.Мандхай, Г.Сарангэрэл, Б.Хатантуул нараас гадна  загвар өмсөгч Ч.Сүбэдэй, Ц.Мичидмаа, С.Төгс, Ю.Балжидмаа, И.Төгсөө, М.Намуунцэцэг, Э.Энхболд, Б.Галбадрах, О.Билгүүн, Б.Золбоо, Б.Чинзориг, Т.Оюун-Эрдэнэ, Ч.Хулан, С.Сэлэнгэсүрэн нарын 14 модель багтжээ.

Ариунаа Сүри энэ удаа 40 орчим иж бүрэн загвар буюу нийт 120 гаруй намар, өвлийн загвараар тус шоунд оролцох аж.

Шоу энэ сарын 22-нд Токиогийн загварын хамгийн нэр хүндтэй Мерседес Бензийн загварын тайзнаа болно.