Кувейт улсад болж буй  Ази тивийн өсвөр, залуучууд, насанд хүрэгчдийн аварга шалгаруулах тэмцээний 12-ны өдрийн залуучуудын хийн гар бууны дасгалд Аварга клубын тамирчин  Г.Буянбаатар аварга болжээ. Тэрээр 196,8 оноогоор Ази тивийн залуучуудын рекорд тогтоож, Ази тивийн залуучуудын аварга цолыг эх орондоо анх удаа авчирсан тамирчнаар тодорлоо. Мөн Техник спортын төвийн тамирчин Б.Туул, Булган аймгийн тамирчин М.Буянхишиг, Н.Шинэмөрөн нар багийн дүнгээр хүрэл медалийн эзэд болжээ.