Монголын хамгийн олон мянган хэрэглэгчтэй “Хаан” банк асуудал дагуулж эхэллээ. Тодруулбал тус банкны хэрэглэгчдийн данснаас удаа дараа мөнгө алга болж байсан нь ил болсоор байгаа юм. Тэдний дунд Дижитал хамтлагийн дуучин Эрка буюу Г.Эрдэнэбилэг ч багтсан байна.
Эрка энэ талаар "Миний данснаас мөнгө алга болоод байгаа юм шиг санагдахаар нь интернетээр дансаа шалгадаг болсон. Тэгсэн хоёр сарын дотор хоёр удаа миний данснаас мөнгө авсан байгаа юм. Эхнийх нь 800 мянгыг шууд өөр хүний дансруу шилжүүлчихсэн бол дараа нь 450 мянгыг тэтгэвэрийн зээл гээд авчихсан байсан. Дансаа байнга шалгахгүй бол алж мэдэхээр юм байна лээ, энэ Хаан банк. Миний мэдэж байгаа нь энэ урд нь мэдэхгүй байхад их л авсан байх даа" хэмээн өөрийн цахим хуудсандаа бичжээ.
Энэ мэтчилэн "Хаан" банк харилцагчдынхаа данснаас зөвшөөрөлгүй мөнгө авсан хэргүүд нь зарлагдсаар байгаа бөгөөд хамгийн сүүлд тус банкны 6-р Бичил хорооллын салбар дахь теллер нэгэн харилцагчийнхаа данснаас 350 мянган төгрөгийг бусдад дур мэдэн өгсөн байсныг эх сурвалж мэдээлж байгаа юм.
Одоогоор "Хаан" банк үүнд ямар нэгэн тайлбар өгөөгүй байна.
24tsag.mn
Сэтгэгдэл (4)