Шинэ оны өмнөхөн Санхүүгийн зохицуулах хорооны дэд дарга Г.Хэрлэн ажилтнаа зодсон хэрэг гарч, нэлээн шуугианыг дэгдээж байсан. Тодруулбал, Г.Хэрлэн нь  хорооныхоо  Эрсдэлийн үнэлгээ, судалгаа, санхүүгийн шинэ бүтээгдэхүүн үйлчилгээний газрын дарга И.Цэрэн-Онолтыг бусадтай бүлэглэн зодож, танхайрсан хэрэг гарсан билээ. Улмаар тухайн хэргийг Сүхбаатар дүүргийн цагдаагийн хэлтэс шалгаж байгааг эх сурвалж мэдээлж байна.

Тэгвэл Г. Хэрлэн  И.Цэрэн-Онолтын хариуцдаг Эрсдэлийн үнэлгээ, судалгаа, санхүүгийн шинэ бүтээгдэхүүн үйлчилгээний газрыг татан буулгасан байна.   Үүнийг сонссон хүмүүс болоод компанийн ажилчид Г.Хэрлэнг энэ хэлтэсийг И.Цэрэн-Онолтоос болж татан буулгалаа хэмээн жиг жуг хийж сууна. Өөрөөр хэлбэл, түүнийг ажилдаа хувийн өш хонзонгоор хандаж байна гэх мэтээр ярьж байна.

Харин СЗХ-ны дарга хийгээд Г.Хэрлэнгийн хувьд татан буулгах болсоноо Санхүүгийн зохицуулах хороо газар, хэлтэстээ бүтцийн өөрчлөлт хийж байна хэмээн тайлбарласан байна.