“Сочи 2014” паралимпийн наадамд эх орноо төлөөлөн оролцсон цанын спортын тамирчин Б.Ганболд Монгол Улсын спортын мастерын болзол хангажээ.

Тэрээр олимпын сүүлийн өдөр цанын 10 км –т уралдаж уг зайгаа 30 минут 26,7 секундэд туулсан амжилтаар 31 дүгээр байрт шалгарчээ. Энэ амжилт нь хөгжлийн бэрхшээлтэй тамирчдын спортын мастер болох нормативыг давсан юм байна. Б.Ганболд Сочид цанын гурван төрлөөр уралдсан билээ.