“Гэрэлт Медиа” групп, Нямгаваа Фильм, Логик студийн хамтын бүтээл “Хязгааргүй” уран сайхны кино өнөөдөр "Эрдэнэт" хотын 3D кино театрт нээлтээ хийнэ.

Зохиолч С.Баярсайханы “Дээд хэмжээ” зохиолоос сэдэвлэн бүтээсэн энэхүү кинонд Жаргал хэмээх сэтгүүлч залуугийн амьдралаар өнөөгийн нийгэмд болж бүтэхгүй байгаа олон асуудлыг хөндсөн байна.

Дашрамд дуулгахад "Хязгааргүй" киноны уран бүтээлчид Монголын кино урлагт мартагдах шахаад байсан "кино үзлэг"-ийг дахин сэргээж урлаг соёлын нэрт төлөөлөгчдөд киногоо урьдчилсан байдлаар үзүүлсэн бөгөөд тэднээс чамгүй сайн үнэлгээ аваад байгаа билээ.