2012 оны арваннэгдүгээр сарын 30-ны өдрийн Чингэлтэй дүүргийн IX хорооны аймаг сум дүүргийн ИТХ-ын хурлын нэр дэвшигчдийг сонгох сонгуулийн үеэр мөнгө тараасан нэр дэвшигчдэд ял оноожээ.  Тодруулбал, иргэдэд мөнгө тараасан гэх МАН болоод МАХН-ын нэр дэвшигчдэд холбогдох хэргийг дүүргийн анхан шатны эрүүгийн нэгдүгээр шүүхэд хэлэлцэж ял оноосон байна.  Өөрөөр хэлбэл, З.Баянсэлэнгийн гар хөл бологсод гэж нэрлэгдсэн Ц.Бугасүрэн нарын хүмүүст Эрүүгийн хуулийн тусгай ангийн 130.2-т зааснаар шүүгдэгч Ц.Бугасүрэнд төрийн албан тушаал эрхлэх эрхийг 2 жилээр хасч, 4.4 сар хоригдох хугацаа, Харин Хишигсүрэнд мөн адил төрийн албан тушаалд томилогдох эрхийг 2 жилээр хасч 4 сарын хорих ял, бусад хүмүүсийг сонгуулийн үйл ажиллагаанд оролцуулахгүй байх шийдвэрийг гаргажээ. Мөн тэднийг 3 сараар баривчлах шийдвэр гаргаж, шалгагдсан хугацааг нь ял эдэлсэн хугацаанд тооцуулахаар болжээ.